中午既時候忍唔住打去診所問，姑娘話無事呀~~~~

好開心呀，放工同阿媽一齊去拿報告，

醫生話無乜事，就叫我放心啦，

唔好再成日亂諗野，佢話再係咁煩，咁多野諗，

真係要去睇醫生架啦，都叫我做多d運動....

我會架啦，聽醫生話，知道！

仲埋要多謝好多人既關心呀~~朋友呀~~親人呀~~愛人呀~~

原來我唔係自己一個人架....多謝大家~~~

睇<交響情人夢>到白熱化階段....

明天就知道報告啦，其實已經冇之前咁緊張，

唔知係咪多方既人都話我無事，再睇下漫畫，

個人都開心番，不過都係有d唔安落....

祈求我明天一齊順利...

去到化驗中心都早左3個字，但我等左1個鐘先有得照，

俾我想像中冇咁辛苦，不過都係辛苦架，

照完之後我都好唔舒服，啦啦林同阿媽撘的士返屋企，

返到去終於可以食野啦~~食左碗火腿米，食完磅下即刻重番呀！！

小休一下後琪琪同大姐姐就黎左，

又一齊落街食野，又食晒成個豬扒烏冬...呵呵

阿銘病左出到成身風難，唔知係咪琴晚打wargame既關係，

同佢去左睇醫生後，又食左個好豐富既雞餐宴....哈哈

不過大家都無為口....食左好少.....

返到屋企睇番d碟<ugly betty>好緊張呀！！

<hell's kitchen>原來加長左，我又唔知，

攪到睇唔到最尾個集呀！！好彩上網睇左結果，知道係michael贏~~~

希望我無事啦，希望我無事啦，希望我無事啦，希望我無事啦，希望我無事啦。