一早就起身，但都要攪呢樣攪個樣先出到門口，
去到好早呀~~最早係我，7點4已經到車站，
係機場食左美味早餐就check in了，
等緊上機途中，靜怡突然醒起自己無禁錢~~~幾驚呀！那那聲即刻陪佢去搵櫃員機，
第一件驚險事發生~~~哈哈
靜怡整左個手花俾我地~~每人一朵~~好靚呀！
1點幾到達泰國機場，格左一陣價之後選擇左撘d7人van，
唔算好貴~800thb，去到酒店，第二件驚險事來了，
酒店竟然話我地無房！攪左好耐最後都有房住，
之後我地嘗試撘巴士去central world，
都幾驚險架，佢地又唔多識英文，我地又唔知邊度落車，
好彩俾我地遇到一個泰國華僑，佢教我地先知道~~
諗住食海南雞飯，但趕唔切就求其係big c搵左間舖食lunch，之後就去左naraya掃蝴蝶袋！！！
瘋狂掃左個幾鐘...勁攰呀！
不過我掃左9個袋呀！ 幾勁呀！
每人都一大袋~~~哈哈哈
之後再去左big c掃貨..但個個掃完蝴蝶袋太攰啦，都無咩心機掃big c，
就返去酒店放低d戰利品先，返去時截唔到的士，迫住坐tuk tuk，
但好得意呀！落住雨坐又快喎，好刺激呀！
晚餐又去番central world入面搵間餐廳食飯，間店舖都好好味呀！
又有驚險事發生，間餐廳有老鼠呀！嚇到我地we嘩鬼叫呀！
全部人企晒係張梳化到，mabel仲想企上張檯到！好彩個時已經食到尾聲，埋緊單！
那那聲埋完即刻走，但其實係得細茵睇到隻老鼠！
當時真係好驚架....
食飽飽就返酒店囉~~~~第一天結束啦~~期待明天的旅程啊~~~!!!
|
