都有一段日子冇打到日記了,

近日都有發生o的開心同唔開心o既事....

開心o既係,o係上星期六我約左阿欣&粉狗友們(pluto媽及annie)黎我屋企打麻雀,

我地玩得好開心呀~~~!

不過真係冇諗過佢地係玩得咁大,

玩最8番,要比$64-

我以前同我o的朋友、阿妹佢地玩都只係玩$1一番,

最大8番都只係$8蚊~~~

雖然今次玩得大,不過我冇輸錢呀~~反而羸左$128-添呀~~~

o個日真係好有運呀~~!!!但annie就一家輸三家~~

而唔開心o既事就係阿ming呢期唔知點解成日話我話佢...

講真,我都只係叫下佢姐,

又唔係要佢做o的咩..但佢居然話我語氣唔好,好似話梗佢咁~~

好似尋晚咁,我洗梗碗,pretty豬o係度叫,

佢係唔係好應該叫佢唔好嘈呀~~~

開頭我以為佢o係房見唔到pretty豬o係度嘈先冇去叫佢唔好嘈,

但原來佢係玩梗電腦.....咁你話係唔係比佢激死~~

跟住問多句你o係邊呀?!

佢就話我語氣唔好,好似話梗佢玩電腦~~

我o既一句說話,其實都只係想佢叫pretty豬唔好嘈,

但就產生左呢一個誤會~~~唉~~~