今日個死人diaz又搵左我黎做箭靶呀~!

我尋晚Book去左做引流,

我所有電話都冇聽...到我睇到電話時都已經成九點...

我見到有3個miss call,

其中兩個係樂星打黎o既,時間係18:55,

佢雖然打左兩次黎,不過都冇留過言...

咁我咪以為唔係重要o野,冇再理佢啦!!

到左今朝早,我接第一個電話就係diaz,

佢第一句就話:「我以為你以後唔會聽電話o既添~!」

我就同佢講尋晚我去左做引流,聽唔到電話...

到我見到電話已經九點幾...

diaz話:「你都可以照打返黎架,你知唔知我尋晚一直等你電話呀~!,我尋日叫你做o既野你做左未呀?我一直等你電話就係等呢樣野....」

我話:「呢件事我已經同左黃小姐講,黃小姐話佢會自己同你傾返.....~!」

跟住diaz就話:「我打唔到電話比你之後,我打過比佢(黃小姐),佢話今日會同我地傾喎~!不過我依家打左比得哥,同得哥傾左架喇~!依家冇野喇~!」

其實佢打黎係為乜呢??

係唔係就係想話下我唔聽佢電話呢?

或係話我唔做佢叫我做o既野呢??

佢成日話佢只係得鵬哥同阿麟係佢老細,

只係會聽佢地話...

咁我都只係得黃小姐係我老細,

我都只會聽黃小姐話架~~!