哈哈~~!好多日冇黎寫日記喇~~!

唔係我懶呀,係因為呢幾日都冇乜野好寫,

再加上我工作係忙左少少,要趕住交o的數比得哥睇嘛!!!

尋日一心諗住係會落大雨,咁就帶左把直遮返工,

但到左放工都冇落過一滴雨呀~~!早知就唔攞把遮啦!!

不過返到屋企唔夠一個鐘,個天就開始黑(因為都7點喇!),加行雷閃電添~!

個雷聲好大架,仲唔只一個添~!

當個雷響o既時候,真係有少少似o係我頭頂架~~!

到左大約9點半左右,o的雷就好似冇左,不過o的勁風就黎左喇~!

o的勁風真係好勁,當我地睇睇下電視,o的風可以吹"秩"個天線...

聽到天線"秩"左落黎,梗係盡快紮返好佢啦~!(我今日下晝返去影張相比大家睇下呀~!)

我地成左好多膠紙架,我覺得紮得都幾核突架~!

到左今朝,o的風依然係好大,

大過同尋晚比已經差好遠了....

在返工途中,見到好多樹都訓左o係度!

我相信尋晚一定係好大風架~!