其實今日o既事都唔係第一次發生的...

話說我有時會帶飯返公司食,

當然係為左省o的錢啦~~食一個lunch最少都要用$20或以上...

帶飯就唔洗用錢喇~~!!

我食飽飯,大多都會將自己個飯盒放o係廚房浸一晚,

第二日返黎先會洗的~~差不多次次我都會係咁做o既...

當然除左我會帶飲,其他同事們都會一樣會帶飯啦,

佢地有時都會同我一樣,唔會當日將o的盒洗左先o既...

到第二日我見到佢地o的盒未洗,

我會注動幫佢地洗左佢...有時我真係唔得閒或唔記得洗,

我o個個盒就會永世都浸住架喇,冇人會肯幫我洗架囉~~

就好似今日咁,我明明係見到佢地係洗自己o既,

可以順手幫手洗埋浸住o既飯盒架(無論係唔係我都好啦~!)

到最後我入到廚房,唔係佢地o既盒佢地就真係唔會幫手洗洗的~~

唉~~咁o既同事~~

由依家起,我唔會幫佢地洗任何野呀~~係佢地要我咁做架咋~!!!!

******************************************************************************

呢幾日唔知個胸係唔係又開始大,新買o個o的bra bra都好似唔夠戴咁....

搞到我成日唔係咁舒服咁...

我諗我都要再添返o的再大少少o既bra bra呀~~

仲有呀,呢幾日可能係谷奶o既關係,

真係感覺有點點痛呀,比初初發現有左時o個o的痛還痛呀~~

之前o個o的係撞到/掂到先會痛,

依家係佢自己會痛,不過又唔係極痛,

只係會令你覺得好唔舒服囉~~~

ps:個胸已經開始爆紋o既事,我應該同左大家講,是嘛?!