七月三十...星期三....

一早....都唔早.....十一點....起身....

本身早前約好左今日早上....攞番部整好左既電腦俾Honey....

之後...電話中.....Honey...又有說話好講....

HONEY話...好落雨....加上...她媽媽和妹妹...在家中....

她說...「我阿媽...會給人壓力....講難聽的說話...以為D人偷佢D古董.(我心諗我都唔介意啦)...

而我名妹妹會心中諗我..點樣點樣...或者會知道...你根本不單是一個普通的電腦維修員....

而是一早認識了我....而且關係密切.....你到底明唔明架?」...(我好識做戲架啦)...

講來講去....又話不如改期......(我心諗...已經拖左三個禮拜...再改時間...我都未必得啦)

(成日改...部機都過期啦..又話急).....我話...妳屋企有冇人...妳最清楚....

或者妳可以想辦法...另他們不在家.....

講了一大輪...我發悔氣....改第日囉!...

之前果晚又要返火炭既...又話唔可以早返..又話屋企煩...陪你成晚先至返.....

我都唔介意妳屋企有人啦....(上次都有佢妹及媽)..

HONEY又話....妳唔介意..我介意....我唔開心呀...

我就話...."妳駛乜理人地點睇,點講,點諗姐!...把口生響人地度!!...

又係妳教我...渣車時...後面有車迫住都唔駛理佢...冇必要因為有車啄而開快"..

之後...HONEY就話..."係喇...中POINT喇...我就係想你講哩句...你要唔好用D咁既語氣再講過"....

我心諗....妳既然都識諗啦....鬧成個鐘...就係要我話妳教訓妳....浪費時間...仲要俾妳鬧...

邊有人鍾意人地話自己架?....唔怪得PARTNER同表妹都異口同聲話 "變態"...

另一方面...我都算啦....氹下佢啦....反正我都仲好鍾意HONEY...

最終...批准....批准左我去搵自己笨......

辛苦之餘...仲要受氣....

不過我一見到HONEY...又唔記得晒....

之後.....攞埋個電腦...去左HONEY屋企度.....扮一般師傅與客人角色...

好快就SETTLE好...佢媽媽...今次都幾好...幾開心...(想搵人和議佢)....

我覺得佢媽媽...好醒目...一方面醒目過HONEY...好識用透心術....睇人小動靜...好恐怖....

同埋專登講D高舉說話..講廢話...加上扮無知.....

我都好驚俾佢透到我係成日同佢個女渣車,行街食飯同煲粥果個.....

又或者上次威爾斯急症室見過我認得我....所以(步步為營)..

我知佢媽媽想昅住我.....可能察覺我同HONEY係好熟....

我都好機警...睇玻璃望到伯母昅住我....只好扮同HONEY唔熟...

之後搞掂左部電腦.....扮自然咁走....

好累...返左屋企...再去食埋野.....之後訓覺....

夜晚返左阿媽屋企食飯...食完又返屋企.....