今日....好早....第一個返公司.......之後..去攞隻電話俾人......買下材料...
TOMMY遲左返.....我已經有MORNING CALL 佢...
之後老闆同我同TOMMY去左海怡半島......工廠區....什麼利景街...人跡罕至....
裝鏡(網絡視象監察系統)......到晏晝........去搵食......
搵間茶餐廳仔都難....之後去左咩野大昌車行果個CANTEEN....
得小貓兩三隻....之後叫左個什麼香煎雞柳飯....
頂佢個肺.....最後係一塊.....吉烈既...好似麥樂雞既雞塊....係好大塊....D肉好削....大多粉....
完全冇口咁....好難食....
食完之後...繼續開工......唔經唔覺.....六點喇.....走喇...
一間冇乜人工廠大廈地下RECEPTION都會有一個幾靚既姐姐仔....做招待....
好似盈翠半島商,德福商場..咁.......佢仲著住一身制服..彩藍色既.....仲要有埋頂帽添.....成個空姐咁....
最頂癮就係佢講"拜拜"......好好笑.......我諗講拜拜係佢成日既職責.........
果度真係人都唔多個...........簡直.........唔識講.......。
搵車出去都幾麻煩......等左好耐車......最後都出到市區....
返到屋企......終於可以用番自己把鑽...搞埋個廁紙筒........
之後借左把鑽俾阿忠.......買下家庭用品.......冇乜野搞........。
