星期二.......慘....
因為被調動去葵盛機樓返工...
唔識得落車...又遲左幾分鐘...唉..
今日既工作....不單只悶.....
雖然多元化...但...好...Basic....簡直.庶務二課...
做埋D蓋印章....黐膠紙....影印幾百張等....
我好似同D十八,廿二爭飯食咁...
其中有個女同事仲突然大大聲問國際時間十八點即係幾點...
可想而知個知識水平.....
不過我都見識唔少人種......
當中有個男同事成日叫另一個男同事做'傻仔'...都好侮辱...
而且成日對同事動手動腳...好似小學生咁...成日去批評別人...
不過佢未敢對我係咁....
佢成日發脾氣講粗口...而且我本人覺得佢好女人型...
可能係當今社會大勢所催.所仿傚既STYLE......
至於我地個TEAM個阿頭...就真係.......
好似仲怕左我咁...對我講野咁低聲下氣....
又成日同我講唔好意思,又唔該.....心諗..你駛乜客氣呀...
另一方面有個女個事仔返左三日(新人)...又係好過癮....大笑大喊....
應該係新移民...口音不純正...而且樣子較為內地...都算OK好樣...
講野好單純....好反樸....好簡單....入世未深...
另外有個女仔...人仔細細粒...
唔太靚但都幾可愛...而且好有領導才能....
返中場既有個肥婆....我就唔太滿意佢既態度....
佢自己講返左十日工...相信都算係新人...
但好似好了不起咁....佢已經講....叫人應該點樣點樣...
好似人地公務員D大阿姐咁....但佢之前都唔係做過什麼大職級...
仲有其他正常果D我唔多講....
另外有個女既.....我唔打算用'女仔'黎形容....
果個算係果度最靚同最塑既女性...身材絕對不俗...
而且好姣....好有潘金蓮FEEL...芳齡約二十...
其實佢自己已經承認自己現在同時有兩個男朋友(親密)....
但在公司上...佢都係新人....依然姣力四射...
佢既模式...係想D男仔幫佢做埋佢D工作...
開頭對我都好熱情...借頭借路黐埋黎幫我手...我都好驚....
成日黐住D男性....當中有個男同事(他是有女友的)....
而且我覺得他幾有重情重義FEEL的....
佢當然成日借D易...黐埋去個男同事度....
而且叫男同事既時候...會行埋去拍人個PET(屁股)...
但個男既都唔避忌下...好似武松與潘金蓮....
另外有個女同事...返夜的....接我夜班的...又係好細個...約十八二十歲..
佢都好好人...有禮貌...而且個樣唔差....又有眼神接觸
.....都算係好好傾...
佢第一句就問我結婚未...第二句就問有無女朋友...第三句就問我鍾唔鍾意生BB...
最令我覺得搞笑既係......實例一:果個潘金蓮叫我做某D文件...
P.S.(其實之前講既咁多個同事大家職級同等)....
我做到咁上吓有D唔明....(由於我係新過黎葵盛)....
基於禮貌緣故....當然係問番果個靚女潘金蓮....
但果個返夜的女仔....直頭叫我有野唔好問佢(潘金蓮)...
叫我問佢先(即係佢自己)...佢咁講太易令人誤會.....
而且今日下午有個女老闆長時間監視...好大壓力...
總括來講....都唔多好做....
夜晚....返左阿媽屋企食飯.....
再返屋企煲粥....又三四點訓...
