今日一早入去......都唔算早......晏左D.......繼續例行公事......

見到梁麗珠... ..本來同另一個女仔仲有兩個阿叔....鋤緊大D.......

我一黎........兩個阿叔就走喇.......駛乜咁俾面我呀....

玩左一陣鋤D.......鋪鋪都係阿珠羸.....

之後...阿靚姐黎到....就話我'乜都未做...就掛住溝女'.....

係既你都唔好踢爆我啦......好悶架嘛.......

跟住....要埋位......都冇機會玩.....淨係見到個傻珠....成日傻笑....

例行公事搞完......到夜晚..返左舊舊居.......

同阿媽食飯.....阿媽親自下廚的新鮮白切雞.......

食完...同TOMMY....再搬一轉.......阿TOMMY哥.......

今次俾'食蕉'逗.......又係既.......成個道遊咁......

上到樓....阿忠又黎埋...出去食宵夜......

之後各自各返屋企......

 

 

 

今日一早..做例行公事....見到好耐冇見既梁麗珠...仲係好細個...
冇見一排....佢把口...勁左好多...個面肥左D...真係好可愛.....
玩左一陣牌...鋤下大D.........好開心........

之後.....返去屋企....開始搬野......所以開始冇得上網........而家補打番.......

同TOMMY一齊搬....計埋尋日三轉.......到下午.....阿奶黎幫埋手.......

進度特快.....唔駛用特種部隊AMBER出馬。......第四轉........

搞掂....已完成八成......之後........同阿奶....睇手機.......吃飯.......

佢終於換左部電話......都幾好............

最後.......佢有佢返屋企......我就搬個芒過去........

阿忠幫埋手搬芒........上埋黎......傾左好耐........食埋野........仲埋涼.........

搞掂........訓覺

 

今日....好終於好知醒返工.....可能因為壓力大....

返到公司...之後拿部VB-5準備去裝機.....加埋D線......好沉重既負擔........舉步維艱....

去搭巴士......應該去油塘......但係今次....好耐先有車.....搞到好耐先去到個客度........

已經俾老細話.....心情欠佳.......去到之後.....其實個客都唔係急啦.......去到先至開始切燒豬......

我咪繼續做自己野.......佢地食完洒野.....又開始執佢地D座位....傢私等......佢地整整下野......

搬搬下文件櫃.....PARTITION之類野......我開頭冇理佢地......繼續做自己拉線入機.....

之後突然....我發現其中有兩個那間公司的男職員(後生的)....不問我.也不知會我......在我的工具.零件百寶箱中....

翻剿(搜尋)我的螺絲......當正他們自己的東西一般......拿起了最後的數粒.......並且使用在他們的傢私上.....

我心諗.....好大膽.......因為不是我的客人.....所以我不敢鬧......只好黑起口面......所以我當時好不高興.....

之後繼續做自己部機D野....另外有個...應該高級D....第一次問我借一支十字手批.....我有借....他用完有還...

我知道他未搞掂....因為聽到他說拎到滑牙都拎唔到......我冇理到繼續做野......之後...我見自己有個位....粒螺絲超長....

諗住拿自己把電批來用啦.......頂..X..佢..XX..果兩個後生 .....又不問自取.....攞左我把電批黎用.......仲死壓爛壓地用........

佢地用左之後.....我拿回用......已經發覺個摩打聲已經走洒音.........X@#!*&#.......再忍你.......

之後返回自己的工具袋拿工具.....頂癮.......發覺自己把ＲＪ鉗...被人整壞左.....#$X%Y&^@.....

我唯有即場同把鉗用把一字批進行急救......搶修途中....那位應該高級D既職員.....又再問我借十字手批.....

我已經發脾氣....大力拋開我手中的一字手批....再從袋中拿支十字手批俾佢......佢都好驚咁講唔該.....

一分鐘後他還了十字手批....並且問我借電批....我本來正想從我的工作位置拿給他時.......

我又看到那兩位後生的職員正在....使用緊我的電批了.......我說:你地咪用緊囉!..................好罄. .......

再過一陣...他們出去了食飯....沒有再返黎.......最後....我搞掂埋D手尾.......都走了......

那時四點幾.....我先至去食飯......好嬲好嬲好嬲.......太冇品喇......冇D家教........

油塘區那兒茶餐廳的切雞飯好平.....連大大柸凍奶茶堂食堂飲都係十九蚊....而且有電視睇.....裝修都唔錯....都幾好...

終於可以冷靜下.......食完過灣仔......又係TD-500改線位...雖然現場好亂...但心水清.....今次好快...幾分鐘搞掂洒.....

之後返屋企......進行第一階段搬野計劃....暫時順利....去同TOMMY食飯....個煙肉蜆肉長通粉雖然好食....但好辣....

食完....返歸沖涼.................收皮.

 

 

一如以往....返工......又係遲左D......一返到公司......老闆叫我去火炭.....維修既又係1232.......

個客話乜鬼盞RING燈長著喎.....咪去睇下囉......老細成日話個客之前有一次全公司水浸.....因為D線行地底....

所以死洒....即使之後整番好....都有水氣.....其實ACTION哩個客我之前都上過去啦......我個人認為D水氣都過洒啦...

行程首先搭地鐵.跟住去搭東鐵......今次上到去....睇下...都幾乾爽....唔似濕氣問題.......其實只不過係個小姐唔識用......

根本就冇壞到......令我成朝遊車河.....極度充實......之後搭小巴再搭巴士出返九龍......返公司...冇人....

出去食飯.....唔使諗......切雞飯........食完.....配埋條新居鎖匙......返到去......都未坐低...就叫我去天水圍埋尾......

又要遊車河.......好就好在.....次次老闆娘都會俾張月票八達通我.......但係都好麻煩....因為要轉車又轉車....

首先地鐵啦.....西鐵...再搭埋輕鐵先至到....其實根本....附近有巴士一程直達目的地.....比起黎......仲快......

唔駛轉車行上行落嘛。......去到天恩.......地點:社署長者宿舍之類啦....見野做野.......搞左一大輪.......都未搞洒....

到五點半....走了......搭番輕鐵.......見到有好多職員超快突擊那些無有效車票的人.....很多人被捕...包括小學生.......

車到了.....我上車...我當然有DOU入閘啦...

上左輕鐵(車尾)....見有座位...係二對二既座位黎....我果邊冇人坐....應該話係冇人敢坐.....

因為坐對面既兩個學生妹對腳伸到好長....擺明撐住洒....我唔理啦....側身照坐.....咁我咪向住單對單果一邊囉....

果邊都有一個學生妹.....係同果兩個一齊的....又要側身坐向住我黎坐...又係伸到對腳好長.....十數秒後....有職員查車票....

我當然OK啦....單邊位果個同我對面果個都OK...都係用八達通.....至於我斜對面果個學生妹呢......佢其實.....

根本冇買亦冇DOU卡....佢好醒目地和巧妙地....從她的手袋拿了一張單程票....在那個無知的九鐵職員面前揮動了一下子.......

過骨了......那職員行遠左之後.....那個學生妹與她鄰座的同學....細細聲的說....其實那車票不是今天的.....

我雖然聽不清楚.....但從那口型和手勢得知.....因為她拿出來的時候係專登用手指蓋著日期位置....瞞天過海...

之後我對那女子微微奸笑....代表我知道她做了什麼.....她亦向著我傻笑.....並且.....用中指...

好似好自然既抓癢.....來做那所謂粗口手勢...假扮無意...其實有意給我看......她做動作出來的時候也很善意....

而且她亦聯同傍邊的同學一同玩野.....我好明白........我都做過學生......所以我只好對那女子微笑代表我明白我看到.....

大家只好眼神交流.....我認為冇乜必要搭訕.......沿途中.......她們三位學生妹....不斷搖晃她們的腳....(俗稱UN腳)....

已經伸到對腳我都要打側坐....仲要UN.........天啊........簡直.....係一種挑逗....而家D女仔....又唔可以話佢地好醜.....

實在好細個....應該得十五、六歲......好似好可愛.. .....但太曳了...帶點兒無知......果種死o靚妹心態.....

我都唔識講....亦唔敢講....真係........唔應該睇太多野.....免得招惹是非...

最後...終於出返九龍.......落深水埗....買CAT.5線.....我一向有ACCOUNT響果間賣CAT.5的商店度......

今次問價都唔平俾我...迫我打電話.....打俾佢老闆......最後終於有得平....我心理上都好D.....D卒仔都話唔到事....徙我時間....

之後又搭地鐵....九鐵...入上水....七點幾......八點....開波........即刻爆珠....可惜....現場空氣污濁.....我都有D鼻敏感....

我拍黨仲嚴重....因為他一向有哮喘底.......搞左一陣食D野.....再接再厲.......至衰唔夠線......要下次再搞......結果要收皮....

過左十二點九....好多車都冇....唯有小巴.........上水出旺角認真快........

架小巴唔係時速過八十就響.....係過九十先響.......但一出公路都係咁響....好似同隔鄰果部小巴賽跑咁...叮噹碼頭.....

最後出左九龍....安全了....飲了個熱維他奶......返歸......沖涼....上網.....訓覺......。

今日遲到左好多....成兩個鐘......要老細CALL先識起身........返到公司原來又係冇人...

之後起番台FAX SERVER......又好耐冇FAX過了......之後ANNIE返來了....

...又打乜鬼電話....問老細響邊啦....我都話左老細在地鋪.....其實佢想人地知佢返左工咋嘛...SO CHEAP...

今日仲遲過我....簡直同我鬥遲咁........

坐左一陣...老細同ANTHONY....一齊返.....整下ANTHONY部腦.....一睇就知壞牛......

跟住去食LUNCH.............,  ANTHONY 行得鬼咁快...都唔知人地俸住部TD-100鬼咁大件......

仲要入去日日旺添....又多人...又冇位...又迫....之後去左間唔知乜記度食......冇切雞飯食....真衰......

食完之後...去SHOOTING 迅靈(LG等電腦產品代理)維修一部1232機.....

行左去西頓中心.......搞錯左......原來係西港中心先對........

整...整....整........果個後生既....老點........都唔知自己公司架構........

又話個Technical Department.....要響個Digital....拖個Analogue SL....

要好似佢自己個位咁.....根本部機已經用盡左D Port位.....好彩之後有個老到既....清楚自己公司架構既....

其實一早已經拖左一個響Reception梳化度.....其實今次上去得個搞字.........

之後返公司....再去紅磡.......又係1232.....其實上次賣俾佢張CARD都冇事.......

睇落去...開頭都俾佢坤到......其實係果個所謂電腦部主管.衰多手.....上PANEL 時....摑到D線....

用埋D高級PANEL...搞到條線傷左.....有D落地...GROUND左...所以咪俾唔夠電囉......

無所謂啦.....你話咩野壞咪咩野壞囉......換啦換啦....明明冇壞都換啦....舊既唔去新既點黎呀...

搞唔掂就最好.......收工........

趕住返歸.....攞部電腦俾Doctor Yuen......真開心....成功上菜....冇鑊氣.......超級忠實客戶V V I P....

永冇講價.......今日終於渡過安全期...........可以返去新居拎埋條鎖匙.........總算過左幾關........

十一點幾先食飯.........好累.....

聽晚慘喇....要去上水爆珠...爆通頂...實死.....................希望順順利利啦.......

見到自己D人氣由四十幾萬......跌到百幾真係心UP........