今日係好特別既一日!

之前都係好想快啲落堂,快啲返屋企!

但係今日真係真係好想留喺學校多一分一秒!

好想好想時間停頓,因為今日已經係中五生涯既最後一日(唔計mock嗰啲)! 

時間過得真係好快,呢年發生既事好似尋日發生咁,一切一切都過得太快啦!

喺呢一年裡面,我真係學識咗好多嘢!

識咗好多朋友仔!牛肉,Kaiyi,小則,肥仔,總管,小安安,Maymay,Elsa,Koey,小雞等等!

同你哋一齊真係好開心呀!

有時你哋好傻,有時你哋好好玩,有時你哋好認真......

我一定唔會唔記得小則同Kaiyi唱嗰首多拉A夢時刻(妳哋兩個好可愛呀!)!

同牛肉一齊返中文補習班既時刻(牛肉好好人,又好認真!仲肯聽我講廢話添!)!

同總管傾電話既時刻(總管好活潑,好估佢唔到,原本以為佢係乖乖女,點知......)!

玩肥仔既時刻(折磨佢係我最大樂趣!哈哈!)!

同小安安......相處既時刻(小安安好特別!小安安明既!嘻嘻!)! 

問Elsa有咩功課既時刻(Elsa真係好有耐性解答!多謝妳呀!)!

同Koey玩既時刻(佢好好笑!不過成日學小安安搞我筆袋!可惡!呢啲係小安安既style呀!)

同大佬吹水既時刻(呢個真係好掂既男仔,有型,靚仔,叻!絕呀!)

4良同faifai本是朋友,嘿!呢啲嘢心照啦!XD 

我一定唔會忘記呢啲咁珍貴既嘢架!

同埋,好想好想講:"多謝你哋呀!"

今日大家都不停影相,都希望盡量留住呢一刻既感覺同埋回憶! 

老實講呀!我真係有啲唔捨得同唔開心!

因為今日係我哋最後一次以咁既身份同大家講嘢,同大家玩! 

好想好想留住同你哋一齊既時間同感覺!

同你哋相處令我可以忘記啲唔開心既嘢!

同你哋相處令我覺得好舒服!

同你哋相處可以令我盡情咁玩! 

真係好多謝你哋呀!

冇你哋呢個中五我都唔知點捱呀!><

仲有,今日喺hall我真係想喊......

自己係一個好眼淺既人!

好容易因為某啲嘢就想喊!

今日全班都有唔少人喊咗......

搞到我都想......

但係呢,因為我同自己講過:"我唔會喺人面前喊!亦都唔會咁易喊!"

所以我最後都冇喊到!

Anyway,點都好啦,今日我好滿足!

希望大家都可以考好個mock同ce!

加油!努力!XD