係喱個荒謬o既世界到,政府不斷標榜住求學不是求分數,另一方面又將
求唔到分數o既同學踢走,令佢地求唔到學。
有人因為唔夠分升讀而傷心,又有另一班人因為少左個a,變左9a而失望。
我想知,10個a或者8個a之類,可唔可以保你一世衣食無憂無煩惱?
點解個個都要追求十個a?
個個家長不斷讚d 十a會考生,
究竟為乜?
唔打機,唔玩,唔訓覺,唔出街,只係為左追求十個英文數字,為乜呢?
佢地或者得到好多人心目中o既榮耀,但係,
佢地失去左時間。
當我地喱d普通人老左,因憶番細個d快樂回憶時,十a狀元就可能因為自己不斷讀書,面錯過左求學時期o既美好時光而嘆息。
超,你自己做唔做到丫,做唔到就串咩人姐!(可能有人會認為我講緊廢話)
喔,唔好意思,喱個係我個blog,我like打咩就打咩,你唔順可以唔睇,
不過我想講一點,係,我係做唔到,又如何?李家誠冇讀過書,依+點?佢係咪冇成就先?
有d人曾經十a,又點,依+連工都搵唔到份。
我認為,過番一d正正常常o既生活就最好,500年後,重邊有人會注意你係咪有過10a,唔係咩?
上帝,係公平架,唔夠分升中6o既同學,唔洗灰住,你地會有其他出路,
d人讀書勁,但其他方面未必及你地架。
讀書超勁,體育多數廢 ; 2樣都勁,多數短命 ; 長命百歲?做得壞事太多上唔到天堂lo
讀書狗有時會失去好多樂趣,所以,唔夠分未必唔好,10a都未必好。
|
