今天是失敗論壇 四周年 生日會.
這是我在討論區所留的回憶:

=========================================
今次生日會都幾成功呀~
雖然同上年比, 好似迫左少少,
但起碼今次全場自己人,
玩都玩得開心D.

其實昨晚我勁頭痛,
食左藥, 勉強頂住而已... +.+"

到了旺角MTR, 我仲擔心唔認得大話王子,
好在佢都冇咩變化... (大個仔左啦)

真係唔好考我邊個打邊個,
正如我上年篇回憶所講.
我會在一分鐘內全部忘記... @_@

本來想同 GueSS"妹妹" 傾下幾句,
因為呢期同佢交流幾多嘛~
不過隔遠左, 又冇咩機會. ^^"

大師真係好有大師feel ~
空手道真係好有空手道feel ~

正如大家所見,
我係一個打字多過講野既人.
不過幸好有的土媽陪我傾左成晚,
所以都唔會覺得悶呀~

大電視時, 我果句 釜底抽薪...
的土媽:"四個字, 第一個字... (砍柴狀)"
我: "刀? (唔係), 斧? (0岩喇)"
(腦中已轉出幾個可能性.)
的土媽做了一個動作, 指一下腳下面,
我就猜中囉~
唔知係咪答得最快既一個呢? XD
不過的土媽i之後果句好惡搞...條褲好新 (偷笑ing)

呢一種全場人(包括店員)都有份玩既遊戲,
真係好成功呢~

大抽獎, 我果份禮物本來已經有人話要抽女仔,
結果我拎左, 係 蝦撈豬頭 既手袋,
都係比左牛牛啦~

後來衣著大獎,
我同的土, Terry 佢地本來諗住造票比 失敗大王,
不過, 群主都確係實至名歸既~

雖然我真係唔擅長一大班人既聚會,
不過好高興可以同大家玩返一晚.

星月同傻貓既努力大家都好感謝架!
希望下年你地再搞啦!