今日我真係唔知點解會咁對你架
你對我越好我越覺得唔開心架
因為我唔想你又對我失望呀所以....就係咁law
希望你唔好嬲我啦~我地今日最後一日吵架好唔好
以後都唔好嘈今年最後一次呀
唔准又下次我地安心等去旅行啦
仲有8日我地就去旅行啦我地要玩得開心d呀
開心.....買野..食野...無論在什麼時候到要開心
=================================================
今日我覺得妳有點無理取鬧...
本來都好地地, 點解妳要搵D野黎講?
即使我冇做錯, 妳亦要假設我可能會做錯,
預先嬲左先...
我想妳明白,
唔係我想對妳失望,
係妳令我失望.
我唔可以嬲妳, 唔可以唔開心, 連失望都不可以?
每次吵架, 我都會回憶妳以前對我的好,
控制自己唔好發脾氣,
要用耐性去愛妳,
但相反, 每次吵架,
妳就回憶我以前有咩問題,
一樣一樣數返出黎.
完全忘記我是如何對妳好, 如何一次又一次包容妳的缺失....
妳話我呢樣唔好, 我解釋, 妳明白,
然後妳又要搵另一樣野講,
我再解釋,妳又再搵,
直到搵到足以"嬲"我的理由為止....
我每次話要嬲妳, 對妳失望,
最後都係一樣咁愛妳, 原諒妳,
甚至比機會妳落台, 話比我錫一啖就無事,
等妳可以有返面子,
但妳唔肯, 反而發脾氣,
乘機將所有的錯推哂比我,
迫我做奸人, 然後妳就是受害者...
妳知唔知點解每次我都願意低聲下氣, 提出和解?
因為我聽過一個故事....
內容大約係咁....
男人在婚後, 總是抱怨妻子很多不好的地方.
男人的父親便告訴他:
"不要抱怨你妻子的缺點,
要知道, 她就是因為有這些缺點,
所以才嫁給你的."
內容很短, 卻很有意思.
如果妳沒有缺點, 早就找到比我好十倍的男朋友了...
所以妳即使有再多的缺點,
我仍然會很珍惜妳.
明知道是妳做錯, 我也願意道歉,
讓我們有和解的機會.
我珍惜妳, 妳有多少次珍惜我給妳的機會?
妳總是數說我對妳的不好,
但妳應該很了解,
我對妳所做的, 所說的,
是為妳好, 還是要害妳?
希望妳認真的想清楚.
也希望我們不要再為小事爭吵了,
為了小事而發脾氣, 妳真的相信值得嗎?
覺非與牛牛
