無品人精選暴行四十一項 1, 搭車除鞋 2, 打尖 3, 搭lift食煙 4, 大聲講電話 <--------(網評：1.超憎 2.搭lift食煙,商場內食煙,公眾場所食煙,禁煙區食煙 <== 超憎, 仲要懶有型, 串串共, 周圍吹, 仲要明知會影響到其他人, 都要向住人地吹果隻, 好話唔好聽, 遲早肺癌 ) 5,男男女女大聲講，大聲笑，粗口橫飛 6,公眾地方"了"鼻屎 7,在車上打車輪/愛撫 8.去公廁洗手FING水落地下 9, 擺袋係座位上，有人來都唔讓 10.大聲講電話 11.搭巴士係你背後個位用腳頂住你椅背﹐其間重郁身郁勢﹐好厭煩！ 12.公眾地方剪指甲剪到拍拍聲指甲四維飛 13.好唔鍾意 d 人帶個鉤四維掛野 14.最討厭搭 lift d 人狂按個關門制. 15.未等人出"車立"就衝0左入去 16.或者死都企起"車立"口阻住人出"車立"果0的人.... 17.最後入lift唔按關門 18.仲有近"車立"口果條友...仲見到好多人入緊"車立"，但個"車立"門又閂緊都可以Q埋雙手唔禁返個門制，但又阻X住晒唔俾人禁 19.食野食到「搭搭」聲 (本人極憎，但香港人好多人係咁食野的，尤其是搭臺食飯成日遇到呢種人，我問過一個FD點解咁做，佢話咁樣食野好味D，可以「搭」真D，*！) 20.圖書館大聲講電話，而且毫無羞恥心警覺要細聲講或走去廁所講 21.自修室經常發出擾人小動作或小聲音(如勁大嘆氣聲、大力揭紙、郁黎郁去等) 22.洗手後發狂地拿抹手紙然後求其抹手就掉 23.搭小巴d人都未落車就逼上去,地鐵都係...... 24.搭lift往往入去拿拿臨按自己層數都唔按開門比人入哂先,講真,驚按唔切咩,又唔係去一二樓,成20幾樓大把時間按啦 25.成日咳d啖出黎唔遮住個口,要人睇住佢d又黃又傑既分秘物........嘔心 26.唔駛出聲講野，但又經常ee唔唔咁清喉龍，勁討厭 27.係mtr 痴住條柱企, 攪到個個都無得扶 28.撘巴士不停咁轉電話鈴聲試聽 29.用超拆爆晒音o既 mp3鈴聲 30.開到mp3機好大聲聽歌，三米外都聽到佢聽緊咩 31.在公共場所開著喇叭玩手機 game 32.食煙前不停啪啪聲咁dun個煙盒 33.洗完手要用兩三張抹手紙抹，而且草草抹完就掉 34.搭埋地鐵郁身郁細 35.係街攬埋一舊 36.講開撘地鐵,唔知有冇人試過隔離o個個人隻雞翼位，係由頭到尾都叉住你條腰咁呢?我自問唔係好肥，都唔明點解d人隻手可以咁放 37.借你D 野睇(如手機), 然後就話自己果件好D... 38.搭車化妝 39.攤開份報紙睇隊住人地 40.我見過有叔叔坐地鐵 "替" 鬚，"替"足五個站 41.一條窄路，兩個人並排慢慢行，阻ｘ住哂

2006-5-1 02:25 AM #1