呢篇日記係琴日既後記黎架
本來想琴日寫埋但是冇寫到
=============================
琴日下午1點幾打電話俾個朋友叫做白痴仔啦
(我知道你有睇我日記架唔好介意我咁叫你wow)
問佢現在起邊頭啦點知佢係黃大仙
咁未約佢出來傾計同食野
我地就去左大家樂食野
我就等到2點先食tea佢就食左個粟米肉粒飯
之後我覺得呢排自己情緒唔係好得就提議去唱K
佢又冇問題咁之後就搭車去左旺角唱K
搭車既時候見到我2個小學同學
其中1個小學同學向來都好關心我既感情事
講左俾佢知~佢都覺得好意外
之後我同白痴仔就繼續搭車去信和個邊唱K
唱左3個中左右都係70蚊又有得食好平呀....
唱完之後就搭車去表姐到點知去錯方向搭車
又浪費左D錢啦....之後上到去表姐到食飯
佢有個朋友黎左叫呀靜
一齊食又傾計..食完之後就搭車返屋企個邊
叫到呀婷同佢男朋友就叫左佢上來我屋企坐左一陣就走左啦
__________________________________________________________________
     我唔知道點解你要咁對我
     我只係知道　無論你點樣對我
     我都係咁愛你
     或者你根本無愛過我  甚至恨我
     但係我仍然永遠永遠愛你

我今日走左之後唔知幾時再有機會可以見番你
希望我番黎既時候你會帶著一個好消息俾我
又或者.....咩都好啦~~~也許或現在的愛
也許或將現在的愛全奉給你
其實我唸你今晚已經收到我封信架啦
可能你會問點解我會寄信俾你
又或者會問點解我會有你屋企地址
不過已經唔再重要啦......

有好多人都問我點解我會做左你個妹
有好多人都話我離開你係岩
有好多人話我唔應該再對你咁好
有好多人都覺得我同你係天生一對
有好多人問點解我會咁愛你

我將餘下既日子不如做一d好既野
唔好唸咁多.....
當靜既時候好想將你送俾我既野拋棄
但是我真係好唔捨得呀
琴日唱K唱到容易受傷的女人同永遠愛著你我就哭左啦
唔知點解呢2首歌好似講出我現在的心聲