今日同平時一樣都係咁起身
一早9點幾起左身之後就去沖涼返教會
同平時一樣都係出門口將mp3放在身上之後播住出門口
唔知點解今日聽住咁返教會門口
途中mp3播左總有你鼓勵..死性不改..容易受傷的女人..好好戀愛同明知故犯等等既歌
突然間唔係咁想聽既感覺
唔知點解聽左之後好唔開心既感覺
之後返到聖潔會崇拜
有好多弟兄向我問安因為好耐冇見個我啦d人
之後有好多人就問我包括好耐冇見我既人都問我
做咩今日會返呢一邊教會既
唔洗陪男朋友仔咩...之後我就同佢地講
我地已經分左手啦..個時隻眼已經有淚光
佢地聽左都呆左..唔知點解
入到去開始聖潔會既時候唱詩歌既時候
個口有d沙啞既感覺
我已經覺得自己好似想哭咁啦
之後聽陳少校講道聽完之後少校就問左d問題
佢問有冇人覺得自己係有罪既人而又想我地為你祈禱
就行出去寶座前面
之後我就出左去我隔離右手邊既姊妹見到
佢就問我咩事祈禱
我就唔知點解忍唔住哭左出來
佢就為我祈禱..祈完禱之後佢就拖住我返座位到
之後就完左今日既聖潔會
完左之後就同佢地食野
有秋亮同佢老婆同佢仔仔.雪艷同佢老公同佢仔仔
仲有海兒.敏莊同德智
之後德智問我返工點我就同佢講我冇做啦
現在全職學生佢聽左都呆左..
之後又問我同男朋友點..
我都係照樣答我地散左啦
食完野之後就各自走
我就搭車出旺角
因為我朋友話介紹男仔俾我識
我又唔係好想佢之後去到旺角勁遲囉
之後我朋友走左得番我同個男仔
之後未陪佢食野我就飲野囉
之後就送左佢搭車走
我行多左一陣都走左lu