2006 年 09 月 27 日 星期三 【晴】

其實每個人都會有開心同唔開心既事
不過我唸我呢24年裡面我覺得我唔開心事
多過開心事囉.......唔知點解我會咁講啦
不過好老實咁講我真係覺得唔開心既事多過開心架

呢排有好多朋友同我講我結婚啦.....
前幾日我都收左一封紅色炸彈
章帖寫著我名同寫著我男朋友的英文名
我收到既時候已經想同佢講
我已經同我男朋友分左手啦
你唔需要請佢飲啦~~
我只會我1個人黎飲你既囍酒
你放心啦~我會替你高興架.....

每個人都會向自己既伴侶作出承諾
但是現在我覺得男仔講既承諾都會係假
因為我對現在既男仔好灰暗唔想面對咁
不過我真係好唔明白架~
不過算啦已經唔想再理啦~

我份人真係好簡單..
想搵一個男朋友係我唔開心既時候
佢會打電話黎問我做咩唔開心
悶既時候會同我出街同傾下電話
我唔駛你日日咁陪我
唔通真係咁難搵咩

不過呢幾日我d朋友不停為我擔心
因為自從我同佢分左手之後
我d朋友就介紹男仔俾我認識
想我有一段新戀情
因為佢地怕我悶驚我中秋冇人陪同冇人約
會係屋企訓同hea...
不過好多謝你地先呀...