今日係婷生日呀！BBQ呀！同阿媽食完飯先去，

去果時我唔知係邊到落車，好彩有個靚仔講俾我聽

係邊到落，唔係就落錯車啦！！但好鬼淤囉，全車望住晒，

唉.......之後去到佢地又話唔夠炭又出返Y.L.買，但今次識落車啦！

之後打俾小琪，認錯佢媽咪係佢，頂.........仲同佢講左咁多野添.......

唉........上到去俾人笑呀！！之後又要小琪哥哥帶去廁所，oh....shit

今日淤爆呀！之後BBQ玩到1點走啦！！！

姨媽黎左訓，叫我同家姐訓，點知我去左廳訓.........

今日本來諗住6點起身，但最後6點半先起到身，

之後去到開心廣場車站，小肥羊，小肥婷同小肥珊

都到左，等到小肥敏黎就上車啦！上到車傾下計，笑下

又到左，去到先知道菠蘿先出門口，我地只好係大家樂等，

等左陣，大家其實好肚餓，於是去買野食，首先係小肥敏同小肥羊

去買，跟住係我去買，我排果條隊有成6個大陸人尖隊，頂.......

連我後面果個男人都話shit  man  ，最後我排左過隔離，之後小肥羊

黎搵我，哈...佢\都覺得奇怪，點解買咁久，因為大陸人囉！！唉.......

之後等左好久，終於買啦！！餓死啦！！

之後食完野，坐多陣朱妹同朱哥都黎到啦，我，羊咩，小敏，同婷讓坐，

俾佢\地坐我地去陪婷食M記，之後小敏，羊咩去廁所，我同婷傾左一陣

小學同搵工野D，哈......之後等婷食完，朱妹，阿珊都過左黎，原來菠蘿都係到

食野，之後我地去送菠蘿上機啦！！唔捨得..............係入境出面影左兩張相...

之後我以為直接去swim但原來唔係，之後又返入元朗，無野做去羊咩家，行到元朗廣場

見到，阿媽同兩個姨媽佢\地見到我見唔到我，唉......之後我去叫佢\地先見到，係前面都睇唔到？？

之後傾左一陣，阿媽係佢\地面前講D野...唉........之後去左羊咩家啦！係羊咩家不停影相

打機咁.........最後決定唔去swim，係羊咩家玩到4點幾出返元朗食野同晒相，哈.......我地個個都

過左50張相呀！！勁.......之後去千色行左陣，佢\地買相薄，好抵呀！！！之後走啦！！

落到屏山BBQ，唉...又燒食左小小野唔想食啦！好飽呀！！！之後走啦！！

P.s.小琪心情好D未？？

P.s.小肥婷聽日生日呀！！

今日無咩特別尋晚5點訓，11點幾起左身，

之後拾下野，睇下電視，家姐就起身，原來佢今日唔洗

返工，好彩尋晚佢唔知我幾點返唔係一定俾佢鬧，之後

佢去洗牙，又話天水圍洗最後去左元朗，之後食下野，

睇下碟<金田一少年之事件薄>都好好睇，同阿珊玩左陣icq

佢隻野仲係到搵緊學校學野，之後同阿媽佢地去左食壽司，

之後落左屏山一陣，之後返屋企啦！！

p.s.阿珊快D決定讀邊間學校啦！唔好再拖啦！

p.s.菠蘿聽日走啦！再次唔捨得！！