突然覺得個包好得意...

咩都冇ge包...

覺得好好味...

之前覺得勁難食....

點解呢??

唔通只係我無聊?

今日又跑lu...

今次遠左....

由趙中,經過西門英才,同元中....

超攰呀....

不過唔係包尾都好好lu...

跳啦啦隊好好玩呀.....

跟唔到呀..

個音樂好快....

今日食飯ar....

joyce個性格真係好難頂啵.....

佢不停咁串我....

忍左佢好奈....

佢話行咁慢,會遲到喎....

我未話你腳長姐....你170,我162炸.....

不停係咁話行怏d....

咁驚遲到,未唔好同我食囉....(心諗),好俾面佢,已經冇講出口啦....係佢自己話同我食.....好似我同佢食飯係必然咁,仲要人地忍佢......

麗貞佢地一d都唔想同佢食囉....

之後上到課室,話估唔到我係d咁ge人....

我心諗我係d咩人呀?

係你串我在先.....仲要唔係第一次....

仲有呀,我有咩必要忍你咁多次先?

我又唔係你工人....

好心啦,佢自己又唔諗清楚,佢自己咩態度.....

你態度好小小就話姐....

仲有呀我地又唔係第一次遲到...

姐姐都冇鬧我地啦.....

今日仲遲左成個字...

返到泥先岩岩點名...

呢d全部都係事實.....

冇作大...

仲作細添.....

好味呀...

唔知咩咩蜜瓜...

俾相你睇....

有d漸變色...

淡綠去到白色...

好甜,超甜,清甜的....

我e家又去食啦...

88..

睇完YUKI本書好驚呀....

等陣訓唔著...

明明好驚,但係又好想睇落去...

個作者真係勁喇.....

開開心心返到學校....

去開locker既時候同個fd傾計...

由於我個locker係最下面....

要同個fd講野緊係要,望向上面,張大個口講野嫁啦....

講,講,講.....個fd一興奮就fing左條所時落左我個口到...

搞到我d牙肉流血,...

晨早流流就有血光之災,........真黑仔><

放學之後,就放學啦......

去到轉車既時有個女仔好大聲咁話,喂!細路,你玩野呀,你邊間學校嫁?

原來個細路伸左隻手出泥非禮個女仔...

個細路話,唔好意思呀,下次唔敢嫁啦.....(下次唔敢嫁啦??姐係佢有做過啦....)

有個呀婆就插嘴話,佢都應左錯啦,不如算啦.....(我諗個呀婆都唔係好清楚發生緊d咩事)

搞左好奈,車長就話,不如落左車先講啦.....

係咁我就返左屋企.....

頭先同妮傾電話...

佢博俾佢d fd....係到講爛gag....

劉老師,瘤攞c...

陳老師教你拆攞c...

知唔知點解小紅冇個波咁細呢???