今日好好天，仲好熱．．．訓到１０點幾先起身，好似 ．．屋企無人，打電話俾ｆａｔｈｅｒ，原來佢地去左飲茶。（當我無到=.=）拿拿聲換衫，準備去痴餐＾＾

落到酒樓，是是但但食左幾碟，唔啱胃口，唔想食，返屋企。接到ｍａｔｈｅｒ　ｃａｌｌ，話等陣要拖地，叫我拾好ｄ野。無奈＝＝又要做呀四．．．將ｄ野塞晒去床，一張被蓋住，無眼屎乾淨盲！跟住灘喺張ｓｏｆａ睇漫畫，好正。

個幾鐘頭後，佢地返黎，嚇到我拿拿聲拎番塊布扮野。嘻嘻，俾人話好乖，好開心，我好易滿足架咋＾＾既然有人讚，就一於幫佢認認真真咁汁我間房啦...唔汁唔知，原來間房咁多垃圾，就連電腦枱嘅櫃都俾我塞到滿一滿。清好晒ｄ垃圾，幫''埋佢地''沖涼，好鬼污漕，ｄ水係灰色架，好恐怖

經過兩個幾鐘頭嘅小掃除，成身散晒，好累好累．．．但係見到間房咁乾淨，心滿意足ｌｕ．．．

離考試仲有２２日，好想時間停留，唔想面對=，=''