((((第十四集))))
呀希：小芝…..
呀希伸手想摸小塊面，佐小芝大大力咁撥開呀希隻手。
小芝：你唔好行埋黎呀！
眼淚整濕曬小芝塊面，因為激動，小芝塊面好紅好姐。
呀希：你…你聽我講呀！
小芝：你出賣我！你將我ｏ既野全部都話比人知！
小芝好激動，轉身跑上自己間房。
呀光：我都係有事走先。
呀光知道大難臨頭，走得快好世界！
呀希冇追上去，只係坐左係梳化。
客房裡面───────
小芝伏係大床度喊，點解要出賣佢？就算自己係佢中目中只係一個
妓女，佢都唔應該將件事話比第二個人知，點解要咁做！
以為黎幾日會係佢一生人最幸運ｏ既日子，但竟然係永久ｏ既傷痕！
個心痛到令自己窒息，一切都只不過係一場夢。
聽日就要醒喇…………………..
第二日───────
今日小芝就會離開自己，呀希唔想見到小芝離開自己
ｏ既背影，所以一早就起身出左門口。
走之前佢想見小芝，佢輕手輕腳咁推開手，走去小芝張床坐低。
小芝塊面有好多眼淚所留低ｏ既淚痕，呀希心痛黎ｄ一條又一條ｏ既淚痕
佢低頭錫小芝，只係輕輕咁錫落去小芝ｏ既嘴。
望左陣，呀希就走左。
小芝醒左之後，起身就去左執野，ｏ羅住個行李袋走去開門，
一開門就見到大芝坐左係門口。
小芝：大芝，你係等我呀？
大芝：旺嗚………
小芝將大芝抱起，走落樓，呀希佢唔係度。
咁都好，起碼唔洗見到佢，小芝望多眼黎間大屋就就同大芝一齊走左。
小芝屋企────────
小芝返到屋企之後，就夜低大芝。
小芝：大芝，黎度就係我地ｏ既屋企喇，你要乖乖地呀，而家只係淨返你同我……….
大芝：旺旺！！
大芝周屋走，而小芝就開始打掃屋企。
小芝拋開一切唔開心ｏ既野，佢而家最需要ｏ既係一份工。
因為自己ｏ既積蓄唔到幾耐，況且仲要養埋大芝…………………….

 待續…

 ((((第十三集))))
呀希：小芝，我返工喇，啜卜∼∼
自從o個晚之後,小芝同呀希o既關係好左好多。
小芝：嗯，８８！
小芝ｏ既笑容係呀希見過ｏ既最好ｏ既一個，小芝ｏ既笑容永遠
都係最甜美。
今日係小芝同呀希同屋ｏ既第四日，仲有三日，小芝就會離開。
小芝唔能夠欺騙自己ｏ既感情，佢知道心入面已經將呀希黎個人永遠
記住。
即使自己配唔起呀希，但佢都要將黎７日ｏ既記憶一世都記低。
黎兩日呀希去返工之後，小芝都會出去寺廟探呀媽，之後就返呀希屋企同狗仔玩，
一到４點半就會拖住狗仔去公園行，行到５點半就會攬住狗仔係大門口等呀希返黎。
狗仔：旺旺旺！！！！！！
只要狗仔一吠就代表呀希架車到左付近，果然呀希架車真係出現係小芝面前。
呀希：小芝！大芝！我返黎喇！
每次呀有一咁叫，小芝就會笑，大芝就會以吠聲黎歡迎呀希返黎。
大芝：旺旺旺！！！！！
呀希：大芝做咩今日吠得咁大聲呀？一定好肚餓喇你！
呀希伸手摸摸大芝ｏ既頭，大芝就搖頭擺尾伸曬利咁，見到大芝咁
滑稽ｏ既款，兩個人都笑到唔停。
小芝：我諗都係喇。
呀希攬住小芝條腰走入屋。
每日，呀希都係開開心心咁返工，開開心心咁返黎。
可惜，好ｏ既日子唔會永恆。
直到第六日────────
今日呀希放假唔洗返工，呀光黎左。
小芝因為太累訓到下咒，一起身就唔見左呀希。
小芝：呀希？
小芝坐起身叫，但係冇人應，呀希應該唔係房。小芝落床洗面刷牙，然後
走出房，當佢就黎行到大廳ｏ既時候，佢聽到有人講野，你呀希同另一個男人。
呀光：黎幾日心情咁靚，條女一定服侍得係好好喇。
呀光點起支煙黎食。
呀希：幾好呀。
佢地講緊自己？
呀光：五萬就可以玩一個禮拜，幾好呀！
點解佢會知！？呀希出賣左佢！？
呀希：係……
呀希面有難色。
呀光：做咩西口西面呀？你唔係鍾意左佢呀？
呀希鍾意自己？唔會嫁，冇可能嫁！
呀希：痴線！我先唔會鍾意黎ｄ女人！
呀希為左面子，咩都要講，就算口不對心都要講。
呀光：哈哈，我幾驚係會話係呀！
黎ｄ女人……心好痛，眼淚一滴一滴咁流落黎。
大芝：旺旺旺！！！
狗吠聲令呀希同呀光轉身一望，呀希後悔喇，原來小芝係後面，所希
ｏ既野都比小芝聽到哂………………………………

 待續…