囧爆的說,今日派左英文默書,竟然有84分=口=

明明冇溫都有咁的分數,真神奇~

話說,PE堂分隊,分左一隊冇野好講的隊,人地3個最強的前鋒,我地....得我同最強的龍門－6粒,2個只識讀書的人.....同埋一堆2打6

正因如此,我要做晒前中後,一次要爆幾次speed,本來都擋到下,但我爆得太多,冇mp啦~囧

最後,我放棄啦~~~~~~

比人狂攻................慘敗,算啦,都我都擋左好多攻勢嫁啦- -

打完,冇野好講,真係唔應該沖上....唉

話說,今日返童軍遲左5分鐘...........罰左我50下掌上壓,之後又唔記得拎紙筆紙巾同綠簿,再加40下,一返到去就要做90下......慘

之後玩體能訓練,玩cycle  做左120下掌上壓  120下sit-up  60下恐龍跳  ...........

搞掂之後,勁累,本來阿媽叫我,返完童軍之後去飲茶,但佢果時未出門口,叫我上中央圖書館睇書等

但睇睇下因為太累的關係,搞到訓左,點知,個死人圖書館管理員泥叫醒我,話圖書館唔比訓,我即時囧左

於是我又中央行左過去鵝頸橋,打電話比我老豆話我到左,點知,佢仲未到,仲岩岩出門口,阿媽去左搵位,我又再次囧左

等左半個鐘頭,佢先到,跟住去搵呀媽,點知佢又唔識路(咩話?),跟住打過去比阿媽,阿媽又講到唔清唔楚,話咩英皇中心,跟住我唔鬼理佢,自

己同老豆去搵,搞勁耐先係茶樓的某一個角落搵到我阿媽同佢d fd的蹤影

飲完茶,返香港仔,點知返到半途,我阿媽捉左我去剪頭髮...(!?)

唉........我d頭髮...............