|
首先係度祝呀希十六歲生日快樂啦~生日快樂~
尋晚我一點幾先訓~所以今日我好累~仲有呀，尋晚十二點二~呀希佢sd左個sms俾我~佢話：佢生日!~=.="~我鬼唔知咩~但係因為果時我同緊小敏聰(傾得最多~)、峰峰(傾左一陣~)、oskar(傾左兩句~)、大口仔(都係傾左兩句)~之後，我off左之後~我準備訓覺~諗住打個電話俾呀希~點知.....冇人聽~=.="~點幾姐~咁早訓嫁今晚~唔理啦~訓啦~
到左今朝~我又係咁番教堂啦~係西鐵到打俾呀希~又係冇人聽~都唔知發生咩事添~有d擔心添~驚佢又黎過.......果d事~唉~
今日要開會呀~開聖約瑟小學福音營(姐係小六既畢業營~)d野啦~開到兩點到~vicky話去食粉仔喎~咁我又去啦~同呀sa&嘉慧去~嘉慧0岩0岩去完朗誦比賽呀~佢要著校服去~佢套冬季校服係全綠色嫁~咁我地四個一齊去左玩教堂裏面果部琴、電子琴同埋風琴~好好玩呀~卡卡~好彩冇人鬧姐~
我地行去啦~都係錦田姐~行左十五分鐘到~到啦~不過已經冇曬d粉仔啦~個呀婆三點開鋪~三點八(我地去到~)已經買曬啦~=.="~乜咁快嫁~但係個呀婆仲有賣芝麻糊~咁我地四個就去食啦~好好味呀~我同vicky、嘉慧~食左一啖既粉仔~因為仲有幾啖炸~真係得番幾啖~仲好味哇~好入味~但係我果啖係乜料都冇嫁啵~都咁好食啦~你諗吓如果有料未仲好味~簡直係掂啦~之後，我地行行吓~我地去到腸粉鋪~我地買左d黎食~好好味呀又係~四點幾到~vicky個呀爸黎車我同呀sa、嘉慧去西鐵站~咁就番左屋企啦~
番到屋企~諗住訓陣~電話響~係何永超老師打電話黎~佢話我之前拍果讀書心得果段片要cut呀~因為我唔係第三名~佢話計錯分喎~無奈的.....不過仲好啦~唔洗出鏡~不過巴拿巴要出喎~好彩我唔係做主角姐~卡卡~
依家係晚上~我一開msn~峰峰、歌、琛~就add我話咩~搞一個排球隊喎~都好呀~冇乜所謂~峰峰打排球「叻叻」嘛~卡卡~佢黎做我地既教練~但係.....都搵唔緊六個人呀~搵名先算啦都係~今晚一定要打俾呀希呀~尋晚已經冇同佢講過一句野嫁啦~因為次次打俾佢都唔通~今晚要陪佢過十二點呀~
| 
有人生日~ 
