雨天,
朝早搭西鐵嚮西鐵高速行駛既剎那間見到2隻狗交配,真夠嘔心。

我已經Ready好,聽日中文短講內容：

我的初戀
「今日我想向大家介紹我既初戀情人，
我既初戀係一段刻骨銘心既忘年戀。
過去，我曾經比佢白皙既肌膚、嬌小玲瓏既身形、
冰冷如雪表情深深吸引住，
相信好多追求者都係睇中佢呢點啦。
我向佢表白已經係幼稚園o個時既事喇，
我見佢唔出聲，咪當佢默認囉，
然後就帶佢返屋企同我一齊訓覺，
我屋企人仲冇反對呢頭親事添！
但係，嚮我7歲o個年，我知道喇...一切都係假，
我比人呃，
原來佢嚮背後收埋鰦個男人，
我只好放手.......
呢段情，到呢家我仲歷歷在目，記憶猶新。
我諗，我既初戀情人，大家都識架可？
佢就係今年33歲既HelloKitty喇，
而個姦夫就係叫Daniel既男人。」