呼
離考試完結已有一星期了
卷也派得七七八八
派左中,英同生物
嗯..........
2個字,,,,,,,,,,,,,「xx」
中化卷全部合格
至於UE ma.......
得一份口試合格.................其他就爭d爭d
總分都就.............差成三分先合格><
至於生物
一開始我就係o係度諗有幾「多」分,而唔係o係度諗合唔合格
結果...差0.5分,即1%先合格!
唉........................
原來o既好心情都變得一落千丈
或者咁啦
睇得樂觀d.............
UE同生物o既合格率都係得十幾個%
而家得返化學同心理學未派
chem就希望可以沖沖喜啦.................
而psy就............................
唉唉唉........
雖然生物同UE都叫就唔係差過好多同學仔,(生物都第6,UE都有十幾二十)
但係...點睇我都係似蘿底橙多d
都唔知而家仲有d咩可以令我開心一下...............
算吧.......
好!
講下D gap野啦
頭先同姚妍出左黎.......
2條白痴仲o係度玩對聯
對對下佢爆左一句上網o既對聯出黎
但係我諗左一陣...
覺得有d唔妥當就改左一下
而呢個對聯神o既地方就係上聯係生果,下聯係動物
如下:
原本o既上聯:「柑蕉桔梨碌柚」
(今朝吉你lo柚)
改動o既上聯:「柑蕉桔梨梅莓」
(今朝吉你妹妹)
下聯 :「雁鷲鵰狸獅狒」
(晏奏x你屎忽)
改o既原因係因為我覺得碌柚係一個詞而獅狒係兩個詞
所以有d唔合適,但係改左之後韻腳反而冇咁好.....
唔知大家中2邊個?
而有個仲爆
就係第一句姚妍出比我o既...
上聯:「冼康力行過 牛頭唔搭馬咀 廢話連篇」(姚出)
下聯:「姚珮妍跳起 蛙腳可乘鳥翼 奇蹟降臨」(我接)
呢個字上就對得都叫唔錯
但係語境就真係....
所以我地o既橫批就係「九唔搭八」
而另一個又係有d野o既........
上聯:「門外燈柱佇立 門楣青蛙欲跳」(我出)
下聯:「妻房床上正睡 丈夫在頂痰罐」(姚接)
橫批:「溫馨家庭」(=.=)
呢一個 字就唔太工整
之但係意境就真係唔差...同上面o個個有頗大o既分別
仲有個幾爆...例如
上: 治國者 修身修國修社稷
下:咸濕佬 想波想西想扑野
雖然粗俗但又有d味道
上:朝暮鼓聲 鳥獸猿啼 入草叢 (總係覺得佢最後o個句有d野)
下:月黑警號 夫兒妻叫 跳高樓
呢個呢,,,,又係一個「溫馨家庭」o既好例子
所以撗批係:誓不兩立
點解?自己諗下啦
諗唔到問我.......
呢晚對o既對聯唔少
所以都不能儘錄
希望大家中2
點解我地好似冇啦啦文學左咁多...
其實最衰都係我...
睇左一本講語文o既書........
不過呢..
呢本野就真係好值得一睇
係我o既極力推介
如果唔係要小測我都唔知有呢本好野
不過要注意...真係幾悶的,,,,但好有用
本書叫「中國語文趣話」作者係康家瓏
琴晚回家o既時候,
見到有個嬸嬸同個看更吹水
但係...就只係得個嬸嬸講
而且語氣極重
雖然佢同o既方言我唔明
但係我估都係講下生活上o既不滿
但係睇黎個看更就真係唔多想聽
然後,今朝返學
見到有個伯伯又同個看更吹水(另一看更)
o個個看更伯伯我日日都同佢打招呼的
見到佢同個伯伯極吹水
但係又留意到d野
佢答得都幾公式化
睇黎都唔係幾願講
而我發現原來看更都唔係好好做
因為工作上要成日做醜人
有陌生人黎到又要問長問短,d人又會好唔耐煩
話佢地又長又沉
之但係呢個係佢o既o既工作指引
唔係出於佢地o既又長又沉,不過冇計
人總係會咁諗的.....
而且又要經常注視閉路
想隻眼唔累都幾難
然後又要對住d多野講勁無聊o既住客作「應酬」
咁事實又係咁o既
好似係夜班看更同伯伯看更咁..
明明唔多想講,但係又唔可以唔講
唔係又會比人話唔好相處
或者仲有d係我睇唔到o既辛苦野tim牙!
可能做人同做看更真係差唔多啦
有好多野令你身心疲累o既時候
突然又殺出一d應酬
想休息下都唔得
最慘係....有時候o個個人唔好相處時
「應酬」反而令你更冇癮
所以我而家識到一d要玩但係又唔玩得o個d人都係避之則吉..................
|
