今日同左昕一齊出沙田食飯

食飯o既時候真係笑死我啦,

件事係咁發生o既.................

話說我地就搵左張枱坐,

跟住有一個阿媽同佢d仔女(係外國人)黎我地張枱度搭枱,

個個小妹妹坐左係昕格離,佢係度拎住個barbie係咁叫昕同佢玩,

昕比佢煩到痴線咁制,我就係度猛咁笑,

係我就笑到跌落地o既時候,我見到地下(即係張枱下面)有人,

原來係個小妹妹係度執地下d野黎食,

跟住比佢阿媽發現左,跟住佢阿媽就即刻打佢,

哇,真係好好笑xd

跟住我地就去左citysuper,

拎左粒好好味o既香口膠(2蚊架)

跟住我地就番左馬鞍山補習

補完就去左冒險樂園影貼紙相,

好靚架(講笑xd),因為整左城半個鐘

p.s係靠整先靚,完全唔關人o既問題

跟住我地去左拎蛋,我拎左隻似企鵝.....又唔係,

似甲蟲又唔係o既不明物體出黎,

昕笑左勁耐,跟住到佢拎.........

知唔知佢拎左隻咩呢??.......

...........青 蛙.......唉

我地兩個真係拎左最樣衰個兩隻....唉

不過咁即係話我地兩個係最啱channel 啦(到最後都要讚自己)

跟住都玩得好開心..................

詳情未能盡錄啊^^

不過我覺得呢日係我升左中學以黎最開心o既一日^^