真的改變了﹏°◆

好耐冇打邊邊啦！
仲買左幾條魚仔
真係好開心喔。

原本, 我同丫志出去架
只不過... 我又唔想去咁遠喎
　又要同埋人地媽咪一齊
　　　真係有啲唔方便架

之後﹏我又諗諗下！
好耐冇同丫俊出街啦，
有成半個月啦
嗚嗚．．．

我不嬲都唔多鐘意，
夜晚先出街街既
但係差唔多次次同丫俊都係夜晚先出街
諗起都有啲心傷
不過都係算啦
佢都要返工

佢肯陪下我都已經好開心啦！
再要求高啲，
可能會令自己失望。

差唔多８點．．．
佢終於過到黎啦！

原先因為，
我成日冇食過野喔...
所以自己係屋企食左一隻雞脾姑

佢過黎接左我之後．
我地去左華都買魚魚
《３條．橙色，１條．白色／米奇》
《２條．黑色，１條．黃／波子》
《２條孔雀》
而我自己本身都有《３條．白色波子》
嘿嘿．．．好多魚魚

之後﹏"◇ 去吉之島搵媽咪
叫佢收工，去稻香打邊邊
順便比佢，睇睇我啲魚魚！

未夠９點︽〞
　　　出商場，食煙

食完煙，去稻香已經開始左特價時間嚕
　　　　坐底左之後
我地２個又叫左１２碟野喔
　　嘿嘿．．．爆枱

　　　　果度啲人，服務態度好好喔
　　　　　　可能果時仲係好少人食野啦！

１０點幾，媽咪黎到啦
開頭﹏佢想開可樂飲，
之後︽〞
佢又話飲啤酒，唔飲可樂

食到１１點幾，
要走嚕！！
好彩我叫埋媽咪黎打邊邊，
　　嘿嘿．．．有媽咪陪！
唔洗我自己一個行返屋企

　　返到屋企．．．
差唔多１２點嚕！
　我整埋啲魚魚，
　　　先打比丫俊！

之後再洗白白．．．
跟住，做白痴野！
貼玻璃貼，
連媽咪都話我無聊
哼．．．

　　整完之後，悶悶地！
　　　望下啲魚魚，
　　　　點知﹏"
　新買果２條黑色波子好惡
　　　　係度蝦我啲白色波子

　　　重有就係．．．
　有條最細既橙色米奇
　比媽咪啲大魚係咁追住黎咬
　　　　　　　睇到咁樣真係好心痛喔...

差唔多上床... 又睇多次
條米奇... 死左>"<
白色波子... 半死
真係想喊！

晨早...８點幾起身啦！
再睇．．．
１條白波子，唔見左，
２條橙米奇，唔見左！
唉．．．唔睇啦~