勁舞通宵了@o@" 還當了可憐豬...

                                            今日嗅豬頭紫雲day off ... 同佢玩情侶                          

       攬攬相~                  睇唔到佢個樣...                 >>>   

                                                                                 同完佢玩左成晚之後~ 姐姐小雯都有陪我地^^~ 不過我地都係玩左

                                                                                         陣... 之後我地三個係度傾計冇玩嚕@o@應該話只有我同紫雲

                                                                       係度傾計!！姐姐估住同佢勁舞個老公傾電話~ 靜係掛左隻人係度...

                                                                                都係耐唔耐先彈句野出黎，跟住又唔出聲又掛機！!比佢玩死左=.="...

　　到10點幾... 原本a佳同佢可愛既囡囡買早餐上我屋企，

  但係因為大哥同a蚊返左黎既關係... 我就迫住要落街食，

         因為大哥佢地又房唔訓，訓廳！! 所以我都廢事嘈住佢地訓...

不過大哥都要用我部電腦打機=.=" 我仲好心驚嘈住佢地訓...

               點知佢地一返黎就掛住打 !！

                                                                                   因為我要出門口既關事~ 紫雲就訓教教。但係佢又係一個當左

                                                                                    本小豬係人肉鬧鐘既人，叫我3點打電話比佢，叫佢起身... 不過

                                                                                         我都好似習慣左比人當人肉鬧鐘，都會盡量準時打比人=.="

           到我出門口既時已經11點。 落到樓下... 我同a佳就一路去ｍ記既路上搵公園比可愛囡囡玩^^~ 去到ｍ記...

                我+$8 換左個Hello Kitty 既玩具相機比佢... 因為我都好鐘意蒂蒂，所以換完之後，我都好開心^^~

     不過囡囡玩左陣相機之後，佢見到我個袋度有蒂蒂八達通套... 佢好似發現左新大陸咁。即刻放低左部相機...

                       拎左佢部相機既貼紙同我換八達通套！! 果時... 我都百般無奈 !！但係冇所謂啦，佢開心咪得囉，

                                           佢玩完都會比返我^o^~ 所以我都由佢拎去玩...

    食完之後... 返到屋企。我就係度睇小說... 要呆等到3點

 打比紫雲叫佢起身 !！因為我都有同ａ佳講過３點我要打比人，

          所以佢3點既時候... 都有打比我~ 提我夠鐘打比人 !！

不過我打左比紫雲... 但係佢冇人聽@o@" 跟住我又繼續睇小說...

                                                                                        冇啦啦電話響... 見到個來電係我冇set底，我又呆一呆

                                                                                    諗緊邊個打比我！! 不過我都係聽左... 原本係林寶。 佢電話之前

                                                                                                 比我dele左~ 因為之前好幾次打過比佢都係冇人聽~

                                                                                          所以我會dele佢電話！! 我都係同佢傾我同佢返工ｄ野...

                                                                                              我地兩個傾左差唔多１個鐘！! 之後... 我地兩個都要出街。

            去到市中心... 見到a志!！佢就扮醒目係度話，岩岩失戀放假係屋企一定會好唔開心。我都冇佢咁好氣... 上到車之後

      問佢咁急約我出黎有乜搞。佢答左一句~ 佢媽咪生日，要買禮物比佢，同埋要同埋同媽咪食飯。因為我坐尾既關係...

             佢答我果時，個頭一直向前望冇望過我有咩反應 !！不過平時咁樣既話...佢都一定唔會應我有乜野答案。我聽完之後...

                  我已經估到自己冇得拒絕佢，因為我都坐左係佢部車度。反正我已經冇得走返屋企... 唯有趁未到既時候，訓教教-.-"

         去左銅鑼灣揀禮物既時候... 我真係好唔明點解要搵我陪，我最怕諗野，仲要我幫佢手揀禮物。真係拎我黎搞>(oo)<"

　揀完禮物... 我問佢，我係咪又要去埋食飯。佢好惡咁望住我講左句，" 你認為呢..." 聽完之後~ 突然覺得佢好可怕=.="

             諗返之前自己話 " 同佢做朋友唔係一件壞事 " 係錯架 !！出名為食既我... 有野食我係應該好開心，但係對住佢...

      我就好似冇平時咁好胃口！! 好想快ｄ返屋企... 到食完既時候~ 我細聲同佢講... " 我真係好眼訓，你放過我啦 !！比我返屋

                     企，我要訓教!！對我呢個病人好ｄ。" 佢奸笑話... " 佢點可以唔車病人返屋企咁衰~ 食埋甜品先。"

                                                果刻我真係諗緊... 點解好似要我掉返轉求佢=.="

                                                                                                       返到屋企已經成11點幾... 沖完涼出黎見到a志個未

                                                                                                                    接來電~ 我都廢事理佢... 上床訓教^^~