傻傻的

同尋日差唔多... 6am起身~

到丫俊走左之後, 原本我都諗住再訓教教架

但唔知點解, 我明明熄左冷氣都覺得好凍唷...

跟住同鬼鬼傾左陣電話... 就打比丫俊~ 同佢講我訓唔到

同佢傾傾下電話... 突然有人開房門~ 我咪起身睇係邊個囉~

點知係佢哥哥~ 佢入黎拎褲返工~ 之後我同佢哥哥兩個係度對笑

到第2次... 佢入黎拎衫~ 果時我都冇諗過起身... 繼續訓係床度同丫俊傾電話

跟住我諗住出廳拎奶飲... 點知佢哥哥仲未出門口

我坐左係電腦枱度, 好無聊咁望住丫俊個外掛...

今日我自己都有玩左陣勁舞... 只不過唔知點解, 冇乜心機!!

可能尋晚唔多夠訓... 係咁訓下醒下

同埋d藥... 食到我成個人呆呆下~

玩完勁舞之後... 我又諗返起今朝鬼鬼同我講過既野

同埋我又諗返好多之前既事...

不過無論點都好~ 我已經大個女啦... 要識諗架啦~

就算我點諗返轉頭都好~ 都已經係過去啦!! 時間都唔會倒流...

只要識得珍惜而家自己擁有既野... 已經足夠

過去左既... 就由得佢忘記~

幸福係咪已經係我身邊出現咗? 如果係既~ 係邊個帶比我?

我需要既又係啲乜? 就連我自己都唔了解...

好簡單的一句...  只需要真心真意愛著, 沒有欺騙的成份。

就是這句嗎?

尋日丫俊媽咪好似當左我透明咁...

今日... 佢竟然拎住張外賣紙, 問我食咩呀

果時我係度玩緊勁舞... 嚇到我呆一呆唷...

我答左佢一句冇所謂, 跟住佢就話~ 佢食咩我食咩

之後... 到個外賣左, 佢仲拎左盒飯比我~

唔知我係咪應該開心呢? 不過咁突然既改變... 我覺得有啲怪怪的

開頭... 我仲諗住要好長時間, 佢媽咪先會主動同我講野架

呢2晚係丫俊屋企訓~ 雖然好似過得好快...但我都會好好咁記住架!!

總之我就覺得好開心啦。

4pm... 丫俊返黎啦。 今日佢又係因為我係佢屋企等佢既關係... 早咗左返黎唷

不過突然哥哥打比我話... 媽咪又唔見咗錢, 問我有冇返過屋企

但尋晚我同哥哥都冇返過屋企... 屋企就只得大哥同a蚊, 媽咪3個

志於呢件事係邊個做既... 已經好明顯!!!

但係哥哥話媽咪唔聽佢電話, 佢又返緊工所以叫我打比媽咪... 問返咩事!!

跟住同媽咪傾左一陣... 佢就叫我今晚返屋企再傾。

之後我同佢收左線... 我真係好想喊架!!

跟住咁岩我又同丫權傾電話... 我同佢講返媽咪既事, 一路講一路喊!!

因為我唔想比丫俊知道件事... 所以我都好快收聲...

開頭佢玩完勁舞之後... 我都有同佢講返媽咪件事架!!

過左一陣, 我就同佢講... 我好攰想訓教教!!

我唔想比佢知我喊... 所以叫佢自己去打機~

但點知... 我喊緊既時候比佢見到唷~ 好羞怪唷

到9點幾... 要走嚕~ 好唔捨得唷...

佢哥哥都要出門口... 丫俊問佢去邊度, 佢就話緊係同女出啦~

我就話... 我又要去, 我要睇女唷

丫俊都冇我咁好氣... 咁攰, 你去埋我果份

同丫俊搭車返屯門果時... 我食香口膠咬親條脷唷, 痛到我流眼水

我條脷仲流埋血添唷... 好可憐唷!!

我地係總站落車之後, 再搭輕鐵去我屋企附近食野

佢又比多個第一次我啦... 哈哈, 佢之前未搭過輕鐵架!!

到我地食野果時, 佢碗麵係辣架...

但為食... 望住佢碗野, 佢夾住舊豬腸... 我又牙開個口~

當我咬住既時候, 真係好想放開舊豬腸... 因為我條脷又痛到我想流眼水

佢見到我咁, 又係度笑我呀!! 竟然依家啲人係咁架, 我一定會記住唷

不過我一路食野... 我都係咁痛唷條脷