2006 年 4 月 13 日  星期四

今日本黎好happy！因為做左一個復活節任務,頭100位可以得到一個復活兔頭飾！點知我做完任務,至知我係第100位完成者^^

咁我就放左個頭飾,因為出面賣到好高價錢...我"75m"(75萬)就賣左比人！！本來好happy,賺到咁多錢,點知,比我係公頻度見到有人買"160"m呢個頭飾,激死我啦！做得咁辛苦,居然蝕左錢喎！！

2006 年 4 月 12 日  星期三

今日真係無聊呀~~間間學校都放哂假,剩係得我呢間味放假,臨放假前1日(姐係今日)都要咁無聊,返學返得個2、3個鐘就放學！

返去重要唔係重要事,而係睇表演,聽人唱歌,個Miss又唔係唱得好聽喎,仲要唱成2,3次,難聽到死！！

今日亦都係肥胡ga生日^o^  肥胡~係度同你講聲Happy Birthday!!  又大一年啦,唔好食咁多野啦~~要乖d啦..嘿嘿...

今年四月真多人生日,紅唇茵都係四月前1日生日,跟著又到我啦,曉敏啦,肥胡呀,豬莉啦,好似Christy都有！！

2006 年 4 月 11 日  星期二

本來我想今年ga BBQ會好好玩......點知....一d都唔好玩,剩係一路食,剩係到最後係度玩捉迷藏！

食食下,忽然好想食塞米(粟米),咁我一眼就睇中左一個好靚ga粟米！！點知,死人紅唇茵搶左,嘩,一開,舊粟米靚到發顛！

咁我就搵左另一舊啦,點知,黑到成個手榴彈咁;但我沒灰心,一路搵,終於比我搵到！一拆開張錫紙,同之前個舊一樣,都係手榴彈=v=真係無癮-.-我再搵,黃天不負有心人,啊！唔係唔係,係黑天不負有心人至岩^^又比我搵到舊,一拆開,雖然有一半係燒得唔好,但係我都可以食到另一半都己經不錯了^v^

跟著就係洗成40幾個人ga杯杯碟碟,叉等等-.-成排男仔都唔洗,剩係得女仔洗,好唔公平啊

2006 年 4 月 1 日  星期六

今日一起身~~訓覺個姿態同起身個姿態係一樣=.=隻腳幾乎痛到落唔到床~

尋日上P.E.堂....變態架~個體育miss,本身跑9分鐘都係跑14個圈,無啦啦加多2個圈.我呀！跑14個圈都暈舵舵啦,何況16個圈~~

2006 年 3 月 31 日  星期五

今日係紅唇茵生日o既大日子呀~~

係呢度同佢講多聲生日快樂先~~

茵茵~~生日快樂呀~新一年要聽我話,唔好成日話我呀!!

你最中意食o既士多啤梨呀~~食到就食啦~~