兩星期前才為到難得一見的"悠閒"而感恩...

心想原來學年尾都幾輕鬆丫, 咁出年寫論文應該ok既...

//////////////////////////

誰知, 合約一續了...工作量隨即原形畢露!

今日由8點做到5點 (中午都直落!!!), 仲要5點離開公司是為要趕住幫服務對象交表格...

但最令小花氣憤的是, 上司叫我找某位同事取一些東西,

但問到那位同事時, 她卻恃住老細不在旁就擺明唔幫,

仲要"大番"小花一條街...真係"你好野!"

小花不禁想到一句話: "小人年年有, 今年特別多?!"

頓時腦海中就問自己一個問題: "如果兩日前給我遇到這個情況, 我還會簽嗎?"

當時火上心頭, 第一個答案就係: "哼, 妄想可以要我留低啦..."

但當過了最"火遮眼"既時候再問自己: "其實那些小人, 可必為佢地動氣?!"

再同朋友仔訴完苦後, 就變成: "哼, 呢d咁既小兒科, 難道就可以激走我, 妄想啦佢..."

小花答應過自己, 續約不但是為了客觀因素及個人限制,

其實亦係比自己多一年的時間, 去睇清楚自己到底是否真的不能找到"天堂的入口"...

如果真係"點睇都咁心淡"的話, 出年就自然走得更瀟灑!

但如果給我找到那個"天堂的入口"的話, 那麼也就是"革命生涯的開始"了...

聖經說無病的人不需要醫生... 相信也是這個道理吧~~

簽紙不回真君子! 我就姑且花多一年的賭注, 去了解我那"就是與別不同"的公司,

無錯, 大不了...一年後我又是一條好漢!!!