星期五中午, 朋友仔告知有張"醫神"演唱會的票吉了, 問我要不要, 三舊水...

說來小花都有點慚愧, 咁大個人都未入場睇過正式的演唱會...

但自己很欣賞"醫神"的, 所以當初得知他會來小城開個唱時, 曾經有諗過去捧場;

不過當時睇睇門票, 300蚊 (山頂位), 其餘已是800蚊及1300蚊, 真係"有心無力"~~

如今, 朋友仔的門票卻是以300元坐1300元的位置, 仲要第一排: 絕對無遮無擋!!!

於是, 兩條友好興奮的食過晚飯後就把我們的"第一次"給了"醫神"啦...

而結果係------------------------超正, 超爽, 超值!!!!!

說他歌王真的當之無愧... 磁性而厚實的聲線, 懾人的舞台魅力, 說話的幽默感, 以及那種毫不做作的真性情,

一句講晒: 我鍾意!

加上今次舞台效果及燈光設計真係要大讚, 要迷幻, 有迷幻; 要精緻, 有精緻; 要堂皇, 有堂皇; 要溫馨, 有溫馨!

咁好既天時地利人和配合下, 一向"齋坐"的小城觀眾竟然可以在最後, 全場起身揮手打拍子, 仲來個萬人大合唱添~~

oh Eason, I'm loving you! : )

而前晚聽完人地唱之後, 昨晚也技痕跟同事們唱k去了, 務求"個個做歌神"!

平日滿臉嚴肅的同事們, 原來也可以玩得好放的!

一方面聽聽大家開金口, 大家亦預祝幾位即將離職的同事(包括我)前程似錦,

想起這幾天陸續有同事得知小花要走, 他們都給我很正面的回應,

有些在工作初期還是帶頭杯葛我的, 如今竟然開口說不捨得我, 更叫我一定要回來並肩作戰, 小花覺得很欣慰!

雖然反過來, 亦有同事越見越少說話, 但綜觀點都係得的人比失的人多很多... 我已很滿足...