陳先生近年醉心玄學術數, 最近更開始跟一位"高人"學習,

因此常常拿家中成員的八字時辰算來算去... 批來批去...玄來玄去...

另一方面, 陳師奶以及陳老太近年則常常向陳大小姐催婚, 彷彿陳大小姐已接近"息"婚年齡!

以上兩件事, 表現上沒有任何關係...................................直到上星期...

陳先生竟然趁食飯時分, 問陳大小姐取得了生辰八字,

陳大小姐不以為然...心想: 定必是做練習要用的"材料"吧!

誰知, 前天陳先生終於解開迷底了...只是...把陳大小姐嚇得目定口呆.../////////////////

陳先生語帶不滿的說道:"我叫師傅睇過你個八字啦, 佢話你唔係無人要,係太多選擇, 你挑剔..."

陳大小姐才恍然大悟-----"真係捉蟲, 取八字係另有目的既, 警訊所言不非, 果然唔熟唔食!"

"......唔係掛, 咁都有得算, 咁你師傅有無算到我有幾多個選擇先?!" (擺出一副輕挑蔑視的衰樣)

"梗係有, 唔係你估...佢話你有四個咁多...但就眼角高, 揀擇...你話你丫..." (說得更理直氣壯)

".../////////////////...有無咁準呀,. . . 邊四個呀?! 講黎聽下丫, 我都想知喎... " (已ngao晒頭)

"佢仲話呀, 你會係21歲至31歲期間結婚, 過左就無架啦...我問你怕未..." (緊張地補充著)

"喔, 呵呵呵... 好野!!!!!!! 咁即係可以玩多幾年啦....yeah~~~~" (抱歉, 呢個真係即時反應)

接著, 陳先生已經被我激到無聲出... 而陳師奶則好似玩接力咁繼續"拷問"...

"艾呀, 你教會嗰個阿咩有女朋友未呀?...佢都幾乖仔丫..." (再次發揮媒婆本色)

"你聽唔到陳先生講咩嗎? 佢話我31歲後先至嫁唔出, 咁即係我仲有幾年可以玩啦!" (得戚地)

同樣的答案, 似乎日後陳老太問起都用得著! (偷笑中)

但長此下去也不是辦法... 正所謂"道高一尺, xxxx" ... 他們一定不會就此罷休的...點算呢?!

難道, 真的要找個"人造人330號" 來跟我造場大戲?! 唉...........天啊, 點解單身都要被迫害呢?!

我不是抗拒緣份, 只是知道自己天生惹桃花, 想清靜一點之嘛, 這樣也有錯嗎?!