感謝各位疼愛小花的朋友仔...

直至昨天, 小花足足生存了25年啦! 是生命的銀禧紀念~~也活了四分一個世紀...

小花認為這是很特別的一個里程, 所以心裡也許下一個很特別的願望!

感謝天父的祝賀, 他派了超過50位小天使為我送上短訊, 電郵, 電話及留言的祝福...

印象中是最多人想起我的一個生日... 令小花有點受寵若驚...真係"加倍開心承諾"~~

或許, 天父見小花很多年都孤孤單單地過生日, 所以今次一次過為我"補祝"...

最窩心在凌晨時分, 收到某人放工後即時的來電祝賀...

最難得生日潤到個星期天, 早上有弟兄姐妹唱生日歌我聽!

最surprise係教會的看更伯伯竟然封左封"生日利是"給我... 

最開心的節目係中午同兩位初中時的死黨食晏聚舊...

最感動的是, 下午在文化中心看了齣很鼓舞的台灣電影~~

最美味的是, 旁晚回家吃了陳師奶換來的"生日西餅"...更是我最愛吃的"拿破崙"!

最九唔答八係, 阿哥突然請左個來協助嫂嫂湊bb的工人...動作簡直係閃電咁快!

晚上還有陳先生, 陳師奶, 哥,嫂,(未來姪仔), 嫲嫲, 以及剛請來的工人同我食齋"慶祝"!

係咪覺得我的生日應該過得好開心呢?!

哈哈哈..........................如果只係單單發生左呢d事既話, 就真係好開心既...

可惜, 一件令小花最不開心的事以及一個對小花最大的打擊... 就正正是食飯前後才發生...

不過, 再寫下去...就好像說家人不是了... 所以算吧, 還是有機會再分享吧...

總之, 昨天的心情像恆生指數一樣, 經常上上落落, 一時high到飛起, 一時down到貼地啦!

我始終最想多謝一個人: 倫伯! 他如果有看我個blog (應該無), 都會明我多謝佢d咩架啦...

我不會忘記這位不太相熟但卻很明白我的朋友仔在我25歲大壽時, 對我作的鼓勵!!!

更默默對自己立下一年之約, 朌望願望可以在一年起兩年止之內實現!!!

我不想太早公開願望住, 因怕沒有成事之前, 得個"講"字...

雖然未能相告, 仍希望你們會支持我!

但可以肯定的告訴大家,

我的願望不是一兩年內嫁得出...也並非要去參選"澳門小姐"...

所以你地可以放十萬個心啦! 哈哈哈..........