認識小花的朋友都知道, 小花的上一輩都是印尼華僑...

亦因此, 遠房親戚特別多...數目之多...基本上可以用細胞分裂的原理來解釋..............

順理成章, 當小城躍升龍門之後, 不少遠房親戚都蠢蠢欲動想到小城遊覽兼"索瓶"(shopping)...

於是, 嫲嫲豆腐潤一般的小屋就經常成為"養魚台國賓館", 接待那些十年廿年無見的遠親...

當中有很多都是"佢識我, 我唔識佢"的, 因為佢地上一次見我可能已經係廿多年前 (我仲係個肚度)///

總之不斷有"姨媽到", "姨丈到"... 時不時都給嫲嫲帶來不必要的工作...

前晚, 又有兩位遠房親戚來了, 嫲嫲還因為完全不清楚接機時間, 而令哥哥白等了個幾小時...

那兩位...根據小一學過的"尺讀", 我應該叫"姑姐"的... 真的一點印象也沒有, 但她們竟說我"沒有點變"!

小花心想:"不是吧? 廿年無見... 我無點變?!?! 你講笑咋下... 比陳師奶聽到, 實話白養我廿幾年..."

幸好她後來講清楚, 原來她看過哥哥結婚時的照片, 在相中見到兩年前的我跟現在無點變, 總算合理...

但這兩位姑姐的到來, 真的漸漸令小花有種"回家恐懼症"...皆因...

她們從前晚到步開始, 就已經"點"我去買電話咭... 昨晚就見我隻手錶好得意, 就問我幾時帶佢地去買...

今晚仲攪笑, 問我可否帶她們遊覽大三巴以及香港...

對, 你無聽錯, 係香港! 她們想我請日假做佢地香港區導遊!

前者要求都乃人之常情, 人人來澳門都係行街, 食野, 睇賭場架啦~~ 我都希望可以抽時間盡地主之誼...

但當佢地提到後者的要求時, 小花真的"O"晒咀, 很難想像有人會咁直接的表達需要, 萬分佩服!!!

但萬分佩服之餘, 小花都要食飯的, 工作地方根本無正式請假機制的, 難道我以"姑姐到"為理由來爭取?!

有親自遠方來, 原本是件樂事; 但當探訪的背後原來不是來見你, 那種意義還存在嗎?

小花很少有這種厭惡的感覺, 今晚卻不得不承認, 我有。