以下似乎係朋友仔對小花當頭棒喝的提醒...

後生女,你已經試過唔少工作,包括義工,如果你還是想繼續試,就去嘗試罷,反正你還年輕(雖然心態老成!),覺得唔啱咪又轉,好過你心思思有件事,做緊一件工作,但就想著另一件,唔專心之餘,仲成日認為有另一份工更啱你!到頭來無一份工會適合你,亦無一份工會做得好. 

其實,到你開始拍拖,或者年紀漸長,你自然會變!不論影響你的是別人,還是自己.唔係因為你無咗理想,只係因為你終於明白,理想的先決條件不一定就是要選對職業,各行各業都需要有充滿理想,又敬業樂業的人來參與,唔係因為職業高尚先叫理想,如果有個已經好理想的工作環境,就無需要人為理想而奮鬥.

有時,越困難的環境,越需要有理想的人來為大家(包括自己)實現理想.如果下下靠人,次次等環境配合,就會好被動,亦唔知幾時人會變,環境會改.唔通人地走,環境唔同咗,連自己的理想都要變,唔可以堅持!?

所以,講來講去,還是要信靠自己,唔好有太多顧慮,就趁自己還年輕,可以失敗,可以放棄尊嚴時,就去做自己應該做的事,那怕最終都是失敗告終,因為至少可以對自己說:無悔青春!

但小花看了之後...心情更矛盾...///

皆因如果係為自己, 事情就易辦了...

但正正就是諗到呢幾句, 所以才更加要考慮清楚:

" 理想的先決條件不一定就是要選對職業,各行各業都需要有充滿理想,又敬業樂業的人來參與,

唔係因為職業高尚先叫理想,如果有個已經好理想的工作環境,就無需要人為理想而奮鬥.

有時,越困難的環境,越需要有理想的人來為大家(包括自己)實現理想.

如果下下靠人,次次等環境配合,就會好被動 "

如果為實現理想, 唔駛諗, 一定轉!

但, 如果為服務對象, 就應該留低, 去嘗試改變一些根深柢固的文化和規矩...

(雖然我都明白知易行難的道理!)

如果為份糧, 就唔駛諗, 梗係留低!!!

但, 如果為自己眼界和個人成長, 就應該要轉...

如果為見多一些好同事幾面, 就會留低...

但, 如果想少d被某些"好極"同事和上司用太極招式以及"愛的咀臉"來問候的話, 就唔走至奇...

所以, 雖然我未開始拍拖, 年紀卻同樣漸長的...所以我的考慮和顧慮也可能會變...

現在仲要合約迫到埋身...

真係"越窮越見鬼", "越煩越閉翳"...

唉......................................................................................................

萬事俱備, 只欠答案!