今朝晨咁早6點幾鐘就起身去刷牙洗面，跟住出咗去食嘢，但係因為幾次漏咗嘢係屋企返去攞所以先無嘆早餐，求其買咗2個飽、2杯豆奶加1支水就上車啦，個時已經係8點3啦，成個團等人等到鬼死咁耐(因為我係跟團去的，有敏姨、呀婆、呀妹以及敏姨的5個朋友)，等成半粒鐘先開車，搭咗2個幾鐘頭車就去到第1站-粵暉園啦，入面好靚的，好似江南個D屋再加蘇州個D園林咁的款，不過曬到嗌救命，行咗好耐，行到12點半就再坐車去咗康記食飯(唔係下環街個間李康記)，食咗10餸1湯，好好餸，有蒸豬牛肉丸、粉絲炒小白菜、冬菇蒸雞、豆豉炆南瓜、蒸魚、炆茄子等等，食完之後又坐車去參觀工廠，係專門整餅的，叫華美餅家，佢哋近排搵咗周華健做代言人，我入到去見到D工人點樣整月餅、餅乾，跟住就去試食，試食完就入商店買咗D手信，有2包魚仔餅同埋1個迷你月餅，駛咗6個半人仔，睇完之後就上車，導遊小姐話原本要行山，但係因為天氣太熱所以唔行就直接返拱北，返到拱北已經係6點幾，去咗來魅力假日酒店入面的金苑海鮮酒家食飯，呢餐直頭係仲好餸過中午個餐添呀，因為有龍躉蒸碎上、瑤柱雜錦蒸蛋白、豉油皇乳鴿、水蟹煮勝瓜、白灼蝦、菜、蛋白炒飯、生煎包、涼瓜炆鯪魚塊、拼盆等等，都幾唔話得的，突然間有立法會議員嚟咗走嚟拉票，叫投佢，我心諗根本就知無咁好死的啦，又食飯又派來來超市1百蚊禮券(每人1張)，我當無事發生過，食完就返澳門啦!今次終於俾我又去咗1個我好想去好耐的地方啦，真係好彩呀，我覺得今年暑假係最充實的1個暑假，我估我可能係我哋班咁多個之中過得最有意義同埋最多地方去的1個啦，真係好幸運呀!