沒錯
喺荷葉失去私人會所
同阿星失去漫畫免費租借嘅哀怨聲中
我要搬屋囉
而且係搬去遙遠嘅調景嶺城中駅

其實粉嶺公共宿舍已經放咗好耐囉
最近樓下德州電鋸收購之(佢真係有錢冇位放)
所以要出遷嚕


以後大家要探望最唔捨得嘅OSIM同漫畫
就麻煩要遠行到調景嶺囉!
(暫定搬家期為6月)
當然例行P仍然係繼續維持傳統
到時希望大家一定要來啊!!
雖然係遠咗咁多!> 3<

個人真係好唔捨得粉嶺Q_Q
那種每早每晚都清香嘅空氣
那種市區冇可能存在嘅寧靜
那種都市人沒可能有嘅氣息…
其實之前已經有一次差唔多要搬
只係本人哭喊誓死捍衛 (真係喊咗)
然而今次真係阻止唔到嚕…

當終於意識到要走了
真係有種
為20年人生下一個斷裂點嘅感覺
(雖然只係住咗10年啦)
畢竟人生中最光輝嘅青春歲月都係粉嶺渡過…
那種感情非常難捨棄
不過自己都明白
冇可能真係喺粉嶺養老

到咗呢個階段
為人生頭20年嘅自己建造一間小小嘅別墅
然後喺門外點頭暫別
再往外面奔去
也許眼角會閃起幾滴亮光
面對離別嘅勇氣
人生必須學 而且要流住眼淚學先似樣!