期待已久嘅一晚
去到apm join埋大家
意外地見到今晚唔係一員但係重點主角嘅一位
haha請好好愛惜椒XDDD

寂寞芳心俱樂部人強馬壯之夜!!
我,BIG,葉,星,椒,+2,樹皮
七條友塞係我間細房度!!
好彩大家都訓練有素
真係非常厲害XDDDDD

傾到精盡人亡(????)嘅一晚
我就愛毫無保留 夠哂坦白
又夠哂療傷系嘅成員們:)
當人有真正嘅好友知心
就唔會有所謂嘅「保密」
因為彼此了解而唔需要

當我哋又聚埋喺某個通宵
就好似將各人嘅自我內在都抽盡出嚟
分享以後被掏空
然後重新發現某D忽視咗嘅物質
而且每個人都有唔同嘅崗位
結合後成為一個成員間嘅黑洞
引力  抽出  抽離  再重生
喺每一位身上互相學到唔同嘅嘢
然後互相支持互相拆解
一班可以認真可以玩嘅好友
講玩講心又講金 (喂)
多麼難得  多麼觸特
呢種命運下造就出嘅完美陣容
造就出今日嘅我非常重要嘅一部份
我真係覺得自己好幸福:)

有得到 就會有失去
有失去 亦會有得到
所以自怨自艾非常浪費生命
因為你體會唔到自已所擁有
只著眼於自己失去與失敗
當你同時體會到自己嘅得失
某D人可能會覺得你太過樂觀
但你有快樂 
無論發生任何事
你對得起自己
既然一切命定
何不將控制權俾返自己
活得更有自我?

世上冇嘢係永恆不變
但當下呢種被了解嘅無比快樂
我會永遠銘記在心
即使終有一日會淡化 但唔會消失
u3u~


呢一夜難得地真係冇瞓覺XDDD
另一朝食完個早餐就回家瞓返
咁就下午五點半 (望

oh~
我覺得自己越來越肉麻XDDD