近排睇咗兩套戲,說一下感覺:

《海神號》
本來冇諗過睇嘅一套
姐話有早場,就同姐&RAINBOW&家姐去沙田睇

一開場唔夠3個時,沉船
主角們,除左柱死果幾個,都超LUCKLY
雖然話唔LUCKLY邊有戲做
BUT呢套又過份假了點

不過都唔係話好差...都值3個蘋果
特技當然好勁(雖然唔知點解一開頭覺得架船有D假)

那個PAPA為左個女  同佢唔係好LIKE既女婿
自己去關個制  而且係必死(最後當然係死)
呢幕都幾HEART到,岩岩到位

不過除左呢度...其他都唔太到位
最後佢地一上救生艇,架船就即全沉,救援直昇機又咁岩黎到果下
真係.....無語

《達文西密碼》
之前睇影評,講到套戲好似好差
不過睇左,我覺得都值3個半至4個蘋果BOR 。0。

應該有嘅高潮位,佢的確做得唔太夠
始終  小說改編,有小說咁精彩,高低起伏刺激作為前鑑
另外小說有某D部份講得比較詳細
戲裡面都冇提到 可能因為咁 睇左小說嘅會覺得套戲爛

不過  我覺得啦  始終係小說改編  唔係小說複製
適當嘅選擇取捨 係必需(我唔敢講佢適唔適當)
有d部份  戲冇必要講得咁深入  刪除都應該

唔講小說改編嘅問題  呢套戲真係唔錯
至少在我嚟講

有湯漢斯擔正  無需擔心
而且其他角色  都非常適合原著
尤其白子施拉斯  值得一讚

音效方面  烚到好處
尤其係佢地發現教堂低下瑪莉亞曾待過
同蘭登終於發現瑪利亞真正所在地
音效+演技+場景 - 感動 
無論真假  果刻都有一種無法形容嘅淚感...
《斷背山》出色在無音效感動(其一出色)
呢套...就出色在佢嘅音效所帶來嘅震撼

而且最應該交代嘅地方 佢都交代得清清楚楚
起碼 冇睇過小說嘅 都會明白套戲
可能呢個 就係冇睇小說嘅人 會覺得好好睇嘅原因
有時 唔知真相 會比知道真相來得好得多
蘭登選擇唔爆聖杯秘密出嚟  都係為左保護教會嘅最後真相
都唔想呢個世界 因為咁 再次成為戰場
唔知比知好 我地嘅生活之中 到底發生咗幾多次?

每一套戲  都出色在好多唔同嘅地方
請唔好  混為一談