2006 年 7 月 26 日  星期三

賭神日 & 五月天晚

葉&+2&BB&星來家打牌 +2真係好想玩賭神大賽 要好好計劃一下 最先就係參加人數 = =+ 之後雞都來了 因為今晚係五月天晚 佢先繼續佢既漫畫 打完...好唔夠喉...所以柴家是最好的 可以打到夜晚 之後玩UNO 叫埋雞玩 好刺激XD +2玩得好激動 搞到大家都好激動 好緊張咁係咁CUT牌 雞不斷咁害我同星=皿= 少有地好玩嘅UNO XD 七點大家都走了~ 食完飯 就開始我同雞嘅五月天晚 凌晨1點左右開始睇雞帶來嘅Final Home DVD 太正...由MEUN VCR開始 到龍之家族 都係咁正 幾個位都眼濕濕T__T 尤其溫柔,擁抱同talking位 同雞係咁唱 仲High過唱K 好彩家嘅門都有隔音XD 唱到小護士 又跳 我一定要跳熟佢!! 之後嘅幕後片段都係笑死...日本尤其正... 阿信:多啦a夢 愛死了 拉面 愛死了 吃到飽 愛死了 就這樣 謝謝 莎莎:開動囉!! 獸獸:(係咁講錯) 睇到香港時情緒特別高漲XD 仲有123木頭人大戰 同123紅綠燈差唔多 你話五月天幾北七XD 佢地嘅外表 同智商 都冇30歲囉!! 獸獸同士杰成日企唔隱XD莎莎比人害XD 阿信做鬼時講得超快...奸=w=+ 睇完我終於記得哂紅綠燈點玩!!!炎皿炎 莎莎的小護士 男丁歌兒舞教學 著小護士裝 人字拖 露腳毛嘅小甜甜 萌死了!!! 你受得了嗎?! 龍之家族 技師團 扮得好!!笑足全程... 士杰(終結獨單ing):high不high啊 粉絲:high!!!!!! 但依家 每次見到技師團都想哭... 黃牛&小猴...雖然真係好唔捨得...不過 就算沒成功 都做過 最美的夢 強辯九月發片 一定要支持啊!!!! 睇到6點睡了一會 雞唔眼睏 繼續睇腦中視頻 喺咁睇咗好多@0@" 之後一齊睇埋青出於藍  就雞回家 我出mk了 五月天晚太棒了...一定要一定要一定要再來!! 仲有...我好想唱k啊!!!!!!!!!!!!!!!!!!!!!!!!

刊登時間︰2006-07-31 04:04 AM  [ 訪客留言(0) ] [ 編輯日誌 ] [ 分享至FACEBOOK ]

2006 年 7 月 24 日  星期一

〈Day 4〉

+成田山+ 幽美 清靜 成田山 好日式嘅日本寺 好想來銀魂私影-w- 買手信勝地 手信好可愛 買到了露比生日禮物 一睇到就覺得好岩佢XD +JUSCO+ 百貨公司 原來日本要百貨公司先有靚生果 買左好多桃 因為太美味...真的 入口 多汁 多肉 無核 癲美味!!!!!!!!! 行街 又買衫 愛上一間店 叫beaux-art 全店都係我最愛嘅黑白配為主!!美絕... 買左一條錬 好想買多d but冇時間睇||| 點解香港唔開間!! 日本百貨公司好好行啊... 成日都好想多d時間行街 下次一定唔可以跟團!! +午餐+ 日式鐵板燒 讚 又係黑貓嘅功勞 北海道速遞嘅神戶牛柳&牛扒... 入口即溶入口即溶入口即溶... 唔識燒都係咁正 一生難忘...感動到想喊!! 超唔捨得嘅日本...我發誓一定會再嚟!! 下次要爸爸都一齊嚟!!

刊登時間︰2006-07-31 04:03 AM  [ 訪客留言(0) ] [ 編輯日誌 ] [ 分享至FACEBOOK ]

2006 年 7 月 23 日  星期日

〈Day 3〉

+東京迪士尼樂園+ 簡直係香港迪士尼放大版 +幕張+ 中間逃出迪士尼 去塔JR 日本火車 塔起嚟比香港複雜得多 不過指示都好清楚 車廂內好靜...好有秩序 終於塔到日本JR 又圓咗一個心願>w< 來到幕張 經常有大型音樂會嘅地方 mr.children同orange range都在此開過@w@ 不過今日係嚟行街...冇咩買到 夾公仔 店員超好人 教你夾 開鎖幫你放好個位易夾D 問你要咩色 然後放好一個易夾嘅位比你夾...癲好人 喺JR一間類似food court嘅地方食嘢 買飛仔 過癮經驗 日本真係咩地方都好靜... 喬麥冷面同三角飯糰 發覺自己真係好愛日本冷面同飯糰... 返回迪士尼 玩巴斯,維尼同太空山 睇晚間星光巡遊 下雨關係冇咗放花火orz +晚餐+ 自費 黑貓宅急便實在太方便 酒店房內 北海道速遞嘅凍食長腳蟹 太正...棒呆了 送杯面 ...日本真係咩都好味過人

刊登時間︰2006-07-31 03:57 AM  [ 訪客留言(0) ] [ 編輯日誌 ] [ 分享至FACEBOOK ]

2006 年 7 月 22 日  星期六

〈Day 2〉

+早餐+ 日式自助餐 終於食到冷豆腐,煎蛋同納豆 前兩者很好 後者...orz 媽媽仲放咗盒入袋 成個袋都係納豆味...囧 +平和之鐘+ 遊覽地 其中有個地方比人祈福 仲有個幽幽的公園 不時有雀群飛來 很憩靜嘅一個地方 適合用嚟度一個閒午 +八景園+ 遊樂場 機動遊戲 水族館 有好可愛 識笑嘅海豚 +午餐+ 場內自助餐 冷面 棒!! 咖哩飯 棒棒棒!!! 都喺行街多...場內太多野行!!太多可愛嘅睇啦!!!>口< 仲有日本最新嘅兩款frog扭蛋!! 唔想走=3= +銀座+ 正如中環 名店街 不過條街好寬 好好行 都有一座UNIQNO 款比香港新得多 買咗唔多=3= 然後就係媽媽嘅名店時間... 日本獨有嘅Blue Lable 睇銀包 個個都冇放相位 切... 成條街 每橦樓都係讚嘅design... 好美...好有design氣息 不愧為日本 +池袋+ 正如銅鑼灣 同西門町太似=w= 不過日本店大多早收 行唔到d咩 買咗一堆化妝&護膚品 sales姐姐學國語中 可愛 開心地發現HMV 有兩層>////////< 有唔少同人誌店 不過早收...行左一間普通書店 買左LC同銀魂嘅FAN BOOK=w= +晚餐+ 自費 食咗一間平價拉面 雖然廿幾蚊碗 不過香港 除咗聯和墟爵士拉面 冇一間可以同佢比!! 好想食喺日本出名嘅拉面...=_,= 今晚係酒店捕電視終於有音樂節目!! 原來要星期六晚先多 睇咗好多新single mv 睇一晚 真係足夠知哂呢排日本嘅音樂潮

刊登時間︰2006-07-31 03:52 AM  [ 訪客留言(0) ] [ 編輯日誌 ] [ 分享至FACEBOOK ]

2006 年 7 月 21 日  星期五

〈Day 1〉

+機場+ 成田機場 不算大 不過行兩三步就有個廁所 周到! 移民局嘅職員叔叔超可愛 不斷用佢d唔咸唔淡嘅國語指示我哋去where排隊 哈哈XD ...不過 最靚果然都係香港機場>w<!! +彩虹橋+ 冇睇戀愛世紀 去之前仲以為係好日式果d橋=口= 望住佢...就好似望緊青馬大橋咁|||||當時好大霧orz 旁邊仲莫名地有座迷你自由神像 不過後面商場有間HMV 都算有價值 +溫泉酒店+ 服務超一流嘅酒店 第二朝離開時 幾位職員出黎歡送 一位手舉"多謝光臨"(中文)嘅牌子 一位站車門前 囉住一籃糖 每位派一小包三粒 心意無限 每一位都一直保持燦爛笑容 車開了 都企原位不斷向我們微笑揮手道別 直至車消失視線範圍 即時 起碼揮咗15秒以上 難得嘅服務態度 至少我去過嘅地方 都搵唔到更好了 餐前行去便利店買嘢食 因為酒店位於山上 周圍都係鄉下地方 不過日本平房 真係間間都美絕...而且各有特色 行行下就要停低睇一陣 而且街上好靜 行下行下 連心境都會平靜起嚟... 靜聽空氣嘅流動...突然有種天下大同嘅感覺 +晚餐+ 酒店嘅傳統日式晚膳 外加刺身船 美味! 而且真係好健康 有一種自家菜感覺 睡前泡溫泉 男湯女湯 因為唔比著衫泡 會影響泉水水質 泡前要先洗澡 終於入到期待以久嘅日本公眾澡堂沖涼 溫泉唔算大 不過比國內同台灣嘅清潔得多... 分室內同室外 舒服=w= 泡泡下傾傾下 真係會忘記時間 呼... 晚上睇電視 諗住捕日本嘅音樂節目 第一晚宣告失敗=皿= 冇法...尋日冇睏

刊登時間︰2006-07-31 03:37 AM  [ 訪客留言(0) ] [ 編輯日誌 ] [ 分享至FACEBOOK ]

2006 年 7 月 20 日  星期四

trip前trip後

凌晨4:50AM就要喺機場集合嘅早上 感謝爸爸用副校嘅車載我哋去機場 感謝車上嘅收音機咁岩唔太收到903 感謝爸爸又咁唔小心咁調咗去港台 感謝果時嘅港台DJ竟然咁岩播緊五月天 令我喺就快睏著嘅情況下聽到知足 即時醒哂... 五月天 你哋竟然喺我出發前都提我要知足... 雖然喺Final Final Home期間去日本 真喺唔知開心定唔開心好... 不過趕得及喺死之前認識到你哋 我真係知足了...係你哋教曉我 任何事都不必強求 要知足 就咁 都可以喺離開你哋四日之前奇蹟地聽到你哋嘅音樂 ...會不會放手 其實才是擁有... 日本啊 真喺去完一次 會想再去好多好多好多次嘅地方 日本人 個個都非常非常有文化 非常注重環保 應該話非常有教養 例證太多 要講真係有排... 總之 去完日本 真喺會覺得 我哋香港人...唉! 而且日本 就算係好鄉下嘅地方嘅平房 就算係區區一間工廠 都設計得非常有品味 任何一個地方 都係讀design人嘅寶庫 尤其讀int&建築嘅人 點都一定要去一次=w=+ 不過 下次去 一定要自由行= =+

刊登時間︰2006-07-31 03:30 AM  [ 訪客留言(0) ] [ 編輯日誌 ] [ 分享至FACEBOOK ]

2006 年 7 月 19 日  星期三

香港書展

同雞&BIG去書展 去到最主要都係掃COLOR...13本 攞到我死死下||| 之後仲買咗《絕頂愛情》同《豬式會社》 本來仲想買《銀河映像．難以想像》,《我和電影的二三事》,《伊莎貝拉》... 冇銀!!!帶得500蚊真係失策... 冇小S本新書買 幾時先有T_T 雞繼續買佢嘅愛情小說同183CLUB BIG買左小畑本畫集 $420啊!! 不過冇得存都有得睇 唔錯XD 之後去STAR BUS休息一下 BIG先走 就同雞去MK 攞住咁多書去...剩返本條命 終於攞咗D相 閃+V+ 雞借完我隻《你要去哪裡》同《搖滾本事》DVD之後 因為實在太太太太太好睇 佢自己又決定買返@_@仲買埋《天空之城》DVD 而且仲要怪罪於我!!! 咁 我唔應該再借其他俾你睇了XD 約定咗攞到FINAL HOME(唔用得縮寫 莎莎會罵XD)DVD之後 就來我家過五月天晚&一齊煲呢隻足足4hrs30mins嘅DVD 仲有邊個要來一齊HIGH啊XD

刊登時間︰2006-07-19 11:55 PM  [ 訪客留言(0) ] [ 編輯日誌 ] [ 分享至FACEBOOK ]

2006 年 7 月 18 日  星期二

生果大會

今日啊... 上晏同姨媽去開茶會 個主持好廢話... 之後蜜桃打嚟話打牌 就趕返去 有我,蜜桃,提子同豚 打打下香蕉都上咗嚟 在下火龍果同桃太郎喺咁俾粒提子剋住 蜜桃仲慘到不斷比上家提子豬死 我哋...連粒提子都不如!!! DINNER係7記叮嘢食 之後係咁玩五行五隻 蜜桃一路玩一路輸 慘 以上 睇唔明就算XD

刊登時間︰2006-07-19 01:26 AM  [ 訪客留言(1) ] [ 編輯日誌 ] [ 分享至FACEBOOK ]

2006 年 7 月 17 日  星期一

同人

早上搵向映囉RIN服 就陪heco去買cosplay用品 累死了...MK->佐敦->MK... 傾傾下決定同佢cw出fate sketch本 真係出到?唔知... 希望啦 雖然我真係冇乜mood... 太耐冇畫 對同人 真係失去咗從前嘅衝勁... 不過嘅然cw cos fate做看板娘 都唔算壞事=w= 而且封面heco畫 應該會完售XD

刊登時間︰2006-07-19 01:25 AM  [ 訪客留言(0) ] [ 編輯日誌 ] [ 分享至FACEBOOK ]

2006 年 7 月 16 日  星期日

喼

跟媽媽去沙田買皮喼 買咗個同我件衫一樣色嘅 囧 兄弟愛

刊登時間︰2006-07-19 02:16 AM  [ 訪客留言(0) ] [ 編輯日誌 ] [ 分享至FACEBOOK ]