我都好耐冇打喇.其實係因為我屋企部電腦.
傻傻地.經常性地上唔到website.
淨係可以聽到歌..所以就成日用佢黎聽歌喇.=="
我諗住今日拎部機去洗機架喇..
等自己都可以早d用得番部電腦..
其實之前個6.7日我都冇開過電腦黎玩.
因為由朝到晚淨係可以聽歌..真係有小小無聊.
所以索性唔開.唔聽歌.而且我連msn都痴左線.
所以話呢.部電腦係屋企就等於垃圾.
所以為左俾呢舊垃圾回復正常.我決定拎佢去洗!!
唉~不過洗一次要$200..真係..貴唔貴呢~!?
唉~我都唔識講喇.話貴唔係貴.話抵唔係抵.
都唔知點好.不過總好過買左佢番黎當佢垃圾咁看待><"
依家係朝頭早10點.我可以話俾大家聽點解我咁早起身.
就係因為我細佬今日要出去跳舞比賽.
朝早5點幾佢地一個二個就已經起哂身執野準備番學校再準備.
攪到我6點幾就俾佢地嘈醒左..所以由佢地出左門口個刻.
我就起身又再次聽歌.聽歌聽到依家.全程未走開過.
腰骨有d..痛痛地.><"唉~又係自己煩.....
其實我真係唔想同你地嘈架..但係.我覺得.
愈小人知會愈好.對你地都會安全d.
所以我先同你地嘈交.你地咩都唔知..
所以我無謂拖埋你地落水.呢件事情上.
我承認我要負責任.但係我絕對唔會因為咁樣而屈服你地.
我唔想你地做左知情而不報個人呀..
所以我先會同你地嘈..所以.
係呢件事上邊.我唔想.都唔需要你地教我點做.
好唔好?當我求下你地.唔好再挑戰我既極限喇.......
我唔聽你地講.因為我唔想你地扯埋入黎呀...
即使你地嬲我又好.同我絕交都好.
我都唔會理你地點講.我只係想盡快攪掂佢.好冇?
|
