今日牙哥「聽」到我話掛住佢

佢就好感動.....

以前我就會好開心

但係今日就.......

我同佢講

話冇咩咁感動

我未聽過人地話

聽完我講既嘢好感動

我根本就唔知點解我會咁講

我突然覺得佢好虛偽

可能係因為

我覺得從來唔會有人真心對我

同我講呢啲嘢既人

只係哄我  唔係出自真心既

當然了....

我有85%相信我牙哥唔係呢種人

好奇怪.....慢慢變得討厭人.....

之前芷喬話佢好會做戲

識做戲既人

係生活上  佢都會係到扮....

我依家甚至有啲懷疑...

到底佢係咪真心對我

會做戲既人

比我一種好假、信唔過既感覺

身邊既人  個個都好似係到做緊戲

係到呃我......

我好驚....好怕

怕有一日

芷喬會好似佢地咁

無理咁離開我

或者佢地一直係到做戲

我更唔能想像既係.....

歐慧敏一直係我面前做戲呃我

我唔知點解會有咁既念頭

點解我依家唔相信人.....

係咪佢地個個都呃我

我承認 

我接受唔到

歐慧敏唔再做我最好好好朋友我既事實

我心裡係好唔開心

但係我收埋

扮好開心咁.....

我好驚人地發現我係咁冇用

點解連我最信任既朋友都唔要我

我係到喊.....

我發誓我真係好信任佢

我有咩都同佢講

就係我當佢係好朋友

先係佢面前放開自己

用真實既自己去對佢

我高估左我地既友情

我真實既性格係唔好既

所以我先係其他朋友同學面前掩飾

如果佢係討厭、唔鍾意甩到我既真實性格

我大可以用另一個性格去對佢

我習慣左另一個性格去對人....

我唔會覺得悲哀

我用假既自己去對人

係因為怕佢地討厭我

小學o個時我係用真正既自己去對朋友同同學

不過佢地唔鍾意

我上到中學

就決心用柔弱既性格去對所有人

我唔能夠係歐慧敏面前用假既我

係因為我唔想

連對自己最好好好既朋友都用假面具

我經過呢件事

我決定對以後既朋友同同學都係用假既我

亦唔相信會有人真心對我

人類永遠用假既自己去對人

因為人類既本性係醜惡既.........