今日12點,大表姐同大表姐夫車我去德福果間稻香度同姑媽、表姐佢地一齊飲茶~飲完茶之後,去左商務到買書~因為果度有D書off50%呀~表姐們佢地買左D英文書~我都唔識睇~= =''而我就一本都冇買~因為唔想買~跟住我同表姐就搭16號巴士去奧海城睇183個簽名會lu~

      哇哇哇~果度場面勁墟坎呀!我諗應該超過一千人!由於勁多人,所以我開頭要攀果D架(係一樣物件)先至睇到183既成員~我仲見到有兩個5H班既人係果度Tim呀!係果度好辛苦咁睇左幾個字之後,就攀番落黎~走左去人群果度,開頭我就迫左入去~表姐就捉住我,同我一齊迫入去!我地係果度撞黎撞去,又焗又多人又迫又累,跟住表姐叫我自己行近D~由於果陣183佢地做緊訪問同簽緊CD,所以要等多一陣~跟住表姐大叫我個名,我聽到之後走左過去我表姐果邊,佢搵到個姐姐,個姐姐肯將張椅既一半位置讓俾我企上去,咁我就可以勁清楚咁見到183lu~跟住183簽完名之後,就同成班fans(me too~)講左D野,明道話(用普通話講):"如果王子變青蛙收視再度上升的話,183將會再次來香港,好不好?"成班fans大叫:"好!"跟住好似係王紹偉話:"其實我們一直都有一句話很想對大家說..."跟住183既5個成員就大聲咁對住個"咪"(係一樣物件)話{我愛香港!}"成班fans勁興奮!!!183每個成員講完佢地想講既野之後,佢地就謝別喇~跟住就向我地呢邊行番入後台!果陣就真係激喇!明道同王紹偉向我地呢邊係咁揮手!佢地兩個真係真人型過上鏡!我今日真係勁開心!如果183下次再黎香港搞活動既話,我實會去架!到時你地上去,同埋我一齊都無所謂架~今次乜都冇帶呀~真係可惜可惜~不過下次我一定會帶紙帶筆帶相機架喇~你地又有冇去183個簽名會呀?^^你地今日又做左D咩呀?同我分享下~記得留言bor~886~