今日勁開心呀!!!我去左灣仔運動場代表學校表現大旗.開頭,真係悶到爆炸架~之後,就睇到陸陸續續有好多明星呀~歌手呀~入場,有香港先生高均賢,香港小姐李思雅,solor,司徒瑞祈,湯盈盈...其餘果Ｄ唔記得左~我就問左高均賢拎簽名~我既fd stephyleung就影低左高均賢既相同埋問左佢拎簽名,另外個fd angelwong就問左高均賢同埋司徒瑞祈拎簽名,隔離班既fd emilylau就同李思雅"一齊"影相同埋傾左一陣計~總之,今日我就開心到爆炸,見到好多令仔~高均賢同司徒瑞祈真係真人靚過上鏡~佢地真係好令仔呀~鍾意死佢地!!!你(各位)有冇試過一次過見咁多令仔令女呢?我就試過好幾次lu~有既話,就留言講低啦~記得留言呀~各位~886~

    今日好悶~其實都冇咩點去邊,係屋企玩電腦仲多過出街~

      o岩o岩先打完一篇勁長勁好既日記,可以講係畢生而來最好既日記,就係因為按錯左一個鍵,咁就乜得冇,好想死呀~o岩o岩果篇日記用左一粒半鐘黎打,e+乜都冇,入面有好多野架~唉~今日既遭遇同琴日一樣~

      好開心呀!後日(即禮拜日)我要去果個咩體育節開幕曲禮,話表演大旗喎~係果度話可以見到歌手Alex擔任嘉賓!!!我好鬼死鍾意聽佢D歌架~好野!!!番到黎屋企,我一定會將果日既歷程打出黎~記得留意呀~

      仲有呀!!我下個禮拜三至五去camp,三日兩夜,我諗應該會好溂激∼好期待呀~(期待中)到時我一定要玩餐飽呀~果幾日我一定打唔到日記,我番到黎一定一一將D經歷打係日記度架~記得留意~今日講住咁多!記得留言喔~886~

      今日好唔開心呀~朝頭早俾阿媽鬧到一面屁,勁唔開心,根本係小小野,佢就小事化大,唉~唔想提!!!今日番學都冇咩特別事發生,基本上成日都係無無聊聊咁過~冇野好寫~今日講住咁多~記得留言!!!如果之前果D日記你仲(未睇/未留言)就快D去(睇/留言)啦!!886