尋晚打完日記之後既深夜，，
我不嬲都夜訓架啦，，咁咪聽下架勢堂囉，，
我平時唔聽訓唔著架，，
尋晚係星期四，，即係講鬼故，，
爆驚囉，，驚到手軟腳軟，，超scared。。
有個人打上黎，，
佢講既鬼故係咁既：：
(大約)有一次，佢果d阿姨就同佢講：：：
一次佢地就去旅行啦，，咁呢佢果三個姑姐住埋同一間房，，
佢個大姑姐去完toilet之後就關左道門，，咁夜d之後，，
佢個細姑姐又要去wor，，咁就打算開門既時侯......
道門自己反鎖左！！跟住佢地三個女人一齊合力想開道門，，
但係都唔得，，其後仲聽到入面....個toilet自己係度沖廁！！
咁佢地就叫問旅館既人上黎，，但係.....
D人一上到黎，，道門即刻開左！！
咁果三個女人就梗係好驚啦！就去左佢舅父房度訓，，
話有d陽氣wor，，果三個女人訓埋一張床，，佢舅父同佢表姐一張床，，
咁，，當佢地打算熄燈果陣..........
佢個中姑姐見到塊鏡.........有個人頭飛過！！(果個人[KK]仲要好淡然咁講！)
跟住佢地就熄燈訓啦，，但係.....
過左一陣.....佢中姑姐見到佢表姐合埋眼，笑住咁同佢揮手！！(我懷疑佢夢遊)
但係佢中姑姐第二朝同佢表姐講返，，佢表姐話：下！有咩！？
嘩.....爆驚囉....最驚就係有個人頭飛過果隻添！
嚇到我唔敢陏個身，，我家姐又去左沖涼喎！
果陣係1:30a.m.，，
搞到我其他果d都唔敢聽><
跟住呢晚...
我發左個夢....(唔係鬼夢)
話說有一次我唔知係撞車定乜事，，
無啦啦死鬼左！！變左隻幽靈....(勁似逝盟<<<林詠琛既小說)
超....仲以為可以穿"長"啦！
點知係撞"長"，，不過唔痛既，，緊係啦！發緊夢丫嘛！
但係呢，，有部分同學依然見到我！(溫欣、阿盧……)
跟住，，見到一個阿sir(幾靚仔)，，
原來佢個職位圖書館主任！(呵呵，，蔡sir被人炒左~~)
不過佢仲要係6A班主任，，(陳老師呢？)
但係，，我入左個課室，，無啦啦同個黑板鞠躬！(<<<痴線！)
身後出現阿久津真矢，，(哇！班主任？？)
但係佢一入到去，，轉個身就變佢個靚仔阿sir！(人妖？)
跟住我又撞"長"！唉= =|||||
跟住？醒左lu!
12:46p.m.先起身，，本來訓得仲耐，，(原因？王麗虹打左過黎，，要去黃金換碟呀嘛！)
跟住去到黃金，，佢教左我地d問題之後我地就走左lu~~(唔好以為我地用到)
跟住王麗虹去左"金綸服裝有限公司"換大d件校服，，搵左一大輪先搵到！
why？因為我地搭錯車囉=.=
去到又無得換，，why?冇貨囉！
跟住果個職員就find令一個sch既uniform拆左佢個招牌(校輝)
釘個呂明才既校輝落去(O晒嘴=口=)
跟住我想去登打士街行下，，
順便去"HAPPYLEMON"(<<<一間成日就飲食雜誌介紹既茶鋪)
佢果度既銷量好勁架！平均每日可以賣到500幾杯，，
開左冇耐已經可以開分店啦！
我叫左個"布丁奶茶"，，王麗虹叫左個"黑珍珠香烤奶茶"，，
佢果個好飲好多(早知叫佢果個><)
我果個都幾得意，，有一大舊雞蛋布丁係底，，
啜啜下就可以啜到d布丁(<<<好味！)
但係....其實我地唔係咁順利搵到間鋪架咋！
我地係"金綸服裝有限公司"果度附近問人點去登打士街，，
果個好心人士就叫我地唔好行，，去搭1或1a巴士去，，
第一次搭d得一個字既bus~~
我問個司機登打士街which站落，，(費事俾人點)
跟住個司機到站就話：：令妹！落車喇！
我話：：thz！
但係，，落左車之後，，
我問個店員登打士街係邊？
店員指住果道，，咁我就直行啦，，
行左幾條街喇，，都仲係彌敦道！！
我繼續行....行到去街尾，，發現：：油麻地地鐵站！！(O晒嘴!!)
由旺角行到油麻地？？？唔係呀化！
跟住問個路人甲，，
佢話：：你行返轉頭行十分鐘到就轉右啦！
行左十分鐘，，又見返我初初問佢果個店員！！
行左幾條街原來係俾人老點架！！T^T
登打士街就係系.....果間店既旁邊=0=
唉！不過都冇發火....(<<<勁難得)
跟住好快就搵到"HAPPYLEMON"，，^^
跟住我同王麗虹行左陣就去左KFC食薯格，，YUMMY!!^^
跟住？返屋企囉.....
我試下隻碟，，根本就唔得！
我決定！聽日要同我家姐去找晦氣！！ | 
