今日眞係好攰啊!!!因爲咁lazy嘅我,終于捨得執屋啦!!!

其實都唔算乜嘢執屋,不過係整理自己間房...

實不相瞞,其實我的確係一個不折不扣嘅大懶蟲啊!!!!

間房好亂,今次執咗一日,先整理咗70%咋...我已經攰到就快暈了...

唉,女仔入面,我諗我應該係最唔似女仔果個了...

以前初中艾籽第一次我屋企,都話覺得我間房好亂...哈哈!!!!

睇來,以後都係唔好比太多人去我屋屋啦...以免嚇親人了...嘻嘻~~

搞完大清潔之後,我就洗白白了...

唔知點解,可能今日未食晚飯就沖凉,跟住沖凉又好似sauna咁...

又肚餓啦喔,結果沖凉之後個人好暈...全身無力...

忍唔住,都未開飯就食咗兩條粟米腸...(好味呢!!!)

吹頭髮果陣,忽然之間發現....原來我d頭髮已經好長了~~~(期間我有剪頭髮嘎喔!!!)

頭髮,我已經留咗至少4年了...

該放下的,我諗我應該已經放低咗...

等到有錢嘅時候,我諗我會搞搞我d頭髮了....

..............................................................................................................................

聽日就返學囖...重新返學,感覺眞係好唔適應啊!!!!

5月份到了,意味住,我離開中國嘅時間,越來越近....

其實我眞係唔係好想去Singapore...

特別係我依傢打梗一場無把握嘅仗!!!

我根本無信心,我可以考到d乜嘢ITE,City&guide證書返來....

我自己咩水平,我自己清楚啦...英文又唔係叻....

我更加無撈名d咁嘅頭腦...我有咩本事去考????

我有嘅,只不過係一種愚蠢嘅死記硬背!!!

但係,隨著年紀越來越大,記憶力越來越差....

眞係唔可以唔認老啦!!!17歲就搞到眼又朦(近視)耳又聾(聽得MP3多~)

GS,無驚無險,終于都PASS啦!!!

SQ,希望我可以搞得掂你啦!!!!