佢地講過咩,我都唔知,基本上唔係訓覺就係發呆...

比人罰企..好累..無心機

上msths,好口渴想喝水,但開唔到個水樽..叫佢開...好快開左...

本身想講唔該..不過後黎唔想同佢講野..無講到..

----------放學後------------

同512佢地玩飛行棋...我玩完一個圈..佢仲未起到棋..

最後梗係我贏啦...我覺得我d運氣太好啦..

4點1去左魔術班...買左副啤牌..20蚊..算貴啦...

唉...想唔去,但會扣操行分..被逼要去...但開心ge...唔會後悔..

做左小小功課...仲有好多未做,對眼mark唔大..好辛苦

返到屋企,又係咁過,唔咩特別.....超眼訓啊.........

上maths個陣,個個周文彬講到鬼死咁悶,

咁我咪係張檯到畫野囉,又叫人唔好畫喎,仲有啊.

你想鬧人關全班鬼事啊,又係度話...我最憎d人阻住我,

唔比我做我想做ge 野ga la..同我爭野無好結果ga..

我一定會搶番...我今日勁憎同佢講野啊,樣衰衰,死人頭周文杉

影響曬我今日ge心情...

-------------------放學後-------------------

彭泳詩做完數學,叫個周文彬改,佢唔肯,

話無心情改薄喎..你估我好恨同佢講野啊...唔知羞...

我好想叫佢改薄咩...呢d全部為左我自己著想za,

呢度會有幾多個係真係好比心機左佢d功課啊...

唔講啦...我而家勁嬲佢囉...唔想同佢講野啊

-----------------------4:05 p.m--------------

約左啊萍一齊返屋企...但要行路,熱死我lu...

買左個生日蛋糕同盒西餅....剩返一蚊....

返到去,vivian同C PING已經西門口等左我地4個字

上左美勞室搵殷sir..再上教員室搵埋miss lam&miss wong

影左d相,食蛋糕...但唔記得攞叉...唔知點食..無奈..

跟住我地都搞到塊面有d cream....好好味啊..

傾左陣偈,睇左陣籃球,執左陣野..走左.....

同小宜係樓下傾偈,發覺自己對人ge死係有感覺ga..

不過我唔知個心麻痺算唔算...了解我ge..真係有幾多個啊..

傾左好多野...同佢講野好開放,唔驚佢講出去...好有安全感啊..

英文堂默書係度訓,數學講書係度訓,科學就黎訓著...超悶啊

今日放學撞到啊萍,跟住返到屋企食左d野,

就去左買禮物比小學ge miss lam同mr yan(我估應該羲咁串喎)

佢地好好人ga...最低限度係好過而家ge周XX 同LXM luo''

不過講佢地GE名都無所謂GE..又唔係講佢地壞話,

只係話佢地無小學D老師好za ma```

'簡'd禮物'簡'左成粒鐘,我都幾鐘意ge...突然好想有人送生日禮物比我luo...

不過最想收到紫色ge貝學啊...我淨係搵到一邊za...好想搵理另外一邊啊~

有無人搵過啊,我好想要啊....幫手問下其他人啊..

買完禮物之後,就走啦,點知撞到林瑞芬同羅美妮,

傾左兩句關于聽日d野,就分手啦....(大家唔好誤會啊)

好想快d到聽日,想見下舊同學....會一會...

而家中學d老師想有d咁ge學生都好難啊..

佢地d脾氣又唔係好過人喎..無端端就鬧人,咩意思先...唔訓氣囉