昨日突然有一個驚喜，睇黎呢一年應該算係有一個好開始，現在只有等待，今日沒出到街，都係想係屋企休息下，下星期要同一個朋友出去食飯和飲酒，希望我地最少能keep住一次出去食啦，返多二個星期就新年啦，希望今年有雙糧同花紅啦．．．．．

新既一年同大家講一聲新年快樂先，昨晚太COLD既關係，所以沒出到街，今日都一樣，都沒出到街，原本想出旺角買漫畫，但由於太COLD既關係，所以沒出，下午睇叱吒頒獎，估唔到方大同拿男歌手，不過謝安琪都不差，拿左幾個獎，今晚估計會睇電視．．．．

都唔知為何D人甘蠻不講埋，人地有苦衷又唔聽，係要搞到人地嬲先安樂，既然你地小姐要嬲我，我都沒話可說．．．．．

今日有一個人問我一條問題，他說有個朋友係公司呃OT錢，但因為我朋友唔抵得佢呃OT錢，所以褐發左佢，之後佢問我甘做係咪好衰，其實呢件事可以方面睇，因為當你好憎一個人，你都會用盡一切方法去玩殘佢，相反如果佢係你一位好好既朋友而告發佢既話，甘我覺得你真係幾衰，連自己最好朋友都告發，所以呢條問題沒有正確既答案，所有事都兩方面睇，只係點在乎你決定呢件事，不過當決定之後，你一定唔可以後悔．．．

車路士竟然係85分鐘俾人迫和，而家重要落後利物鋪３分，希望車路士快d買返個前峰啦，安歷卡只會對住弱雞隊出波，一對住d強隊真係現哂形，真係好希望史基拉利買埋質素好少少既前峰，好似偉拿呢種類型．．．．．

昨日我朋友又輸錢，講真佢個個星期都係甘，我記得最初贏錢個陣就係初初申請戶口個陣，我同朋友都勸佢不要再賭啦，他當然不聽啦，不過我又唔好得佢好多，所以我都沒資格話佢，都係由佢啦

昨日同一大班食海鮮，不過沒想像像中甘好食，最後每位１８９蚊埋單，返到屋企差唔多十點，晚上睇埋火影就訓覺．．．．

今日訓到十一點先起身，下午２，３點同屋企人下午茶，之後陪阿媽去惠康買野，抽野回來啦，後黎玩左一陣炸炸人，不過好lag，加上我睇緊電視，所以玩左一陣沒玩．．．．明天又要返工，又要早起身，好慘